Kennarasleikjan

2009-12-28T11:46:00.003Z

ekki nema hálft ár síðan síðast...hvert hefur tíminn flogið?
alla vega þá hefur ekki verið tíðindalaust hér hjá litlu stórfjölskyldunni. dúettinn er sprækur, enda að verða ársgömul og það styttist í að þau fari að labba. tennurnar koma hver af annarri og hárið sprettur, þó það gerist heldur hægt. gunni minn er ennþá sjómaður dáðadrengur á því gæðaskipi Huginn VE og húsmóðirin er heimavinnandi með börnin og verður það a.m.k. fram á næsta haust, jafnvel lengur. það er nefnilega nóg að gera með tvö lítil sem stækka og stækka og verða skemmtilegri og skemmtilegri.
elskuleg mamma mín lést 30. nóvember. hún greindist með krabbamein í heila í ágúst. þetta hefur því verið erfitt haust fyrir alla fjölskylduna. lucy systir er flutt til okkar og því hefur fjölgað um 3 í fjölskyldunni á þessu ári. við bindum miklar vonir við næsta ár og krossleggjum putta að þurfa ekkert að eyða tíma á spítala árið 2010.
gleðilegt ár! (fyrir þennan eina sem enn nennir að kíkja hingað inn...)

2009-06-27T10:02:00.003Z

ég er hér enn!!! það er bara soltið mikið að gera...

dúettinn er sprækur sem aldrei fyrr en það er auðvitað brjálað að gera síðan gunni minn fór á sjóinn.

meira síðar....vonandi...

Undanfarið...

2009-05-28T17:52:00.005Z

Það er alltaf mikið að gera á stóru heimili. Þó að litla stórfjölskyldan sé ekki fjölmenn þá er samt nóg að gera. Að minnsta kosti það mikið að það gefst ekki tími til að skrifa hér inn!
Við vorum í höfuðborginni um síðustu mánaðamót með Ella í læknisvitjunum sem enduðu í tveimur aðgerðum en allt er í besta lagi núna þó að þetta hafi tekið á þá. Milli aðgerða var nýjasta frænkan skírð, hún Hrafnhildur Helga og ég og sonurinn skelltum okkur til veislunnar meðan Gunni og dóttirin skruppu heim til Eyja.
Gunni fór í steggjapartý í mánuðinum og ég í gæsapartý. Auðvitað var fylgst með Júróvisjón, en þriðja árið í röð skrópaði ég í partýinu hjá Kötlu og Örvari. Gunni byrjaði að skipta um glugga á efri hæðinni en það er ekki vitað hvort næst að klára það áður en hann fer á sjó, sem verður eftir Sjómannadag. Gestir eru væntanlegir um helgina sem er bara skemmtilegt.
Að öðru leyti þá felst lífið okkar aðallega í því að hugsa um dýrgripina okkar og sjá allt það skemmtilega í hversdagsleikanum; hlátur og grátur, slef og æla, hjal og sprikl, svefn og vaka og svona mætti áfram telja... sem sagt gætum ekki haft það betra!

einu sinni í mánuði

2009-04-14T10:23:00.002Z

það virðist vera orðið þannig að ég sjái mér ekki fært að kom hér inn nema einu sinni í mánuði og hripa eitthvað niður. enda svo sem nóg að gera á heimilinu. svo vorum við í borg óttans um daginn og vorum næstum tvær vikur en ætluðum bara að vera í eina. en við komumst heim fyrir páska og gátum því nartað í páskaeggin á heimavelli.

dúettinn dafnar og Erlendur er sprækur þrátt fyrir nýrnavesenið. en við þurfum sum sé að vera soldið á ferðinni með drenginn til læknis í höfuðborginni. það þýðir aðeins eitt og það er að við neyðumst til að kaupa okkur annan bíl. þegar við héldum upp á land núna síðast þurftum við að fá bílinn hjá tengdó lánaðan, en það er volvo steisjón. hann dugði samt varla fyrir allan farangurinn sem fylgdi litlu stórfjölskyldunni enda þurftum við að taka vagninn með og hann tekur svaðalegt pláss. svo núna erum við ein augu þegar við förum á rúntinn því við erum að reyna að sjá út hvernig bíll hentar best; er það jepplingur eða steisjón, sjömanna bíll eða pallbíll, lítil rúta eða húsbíll...maður spyr sig. eina skilyrðið er í rauninni að vagninn komist skammlaust í skottið og það sé pláss fyrir foreldrana og dúettinn. pláss fyrir foreldrana segið þið...jú þannig er mál með vexti að gunni þarf nefnilega að sitja mjög framralega þegar hann keyrir því bílstólarnir taka svo mikið pláss aftur í og það finnst honum óþægilegt þar sem hann er frekar hávaxinn. ég hugsa að svona rauður strætó sé of stór en hugmyndir að rúmgóðum bílum eru vel þegnar!

net-óð???

2009-03-13T16:57:00.006Z

ég veit ekki alveg hvað ég er að hugsa... ég er að rembast við að halda út þessari blogsíðu, fara reglulega á feisbúkk og svo er ég búin að setja upp barnalandssíðu fyrir dúettinn. það mætti halda að það væru fleiri klukkutímar í sólarhringnum hjá mér en öðrum.
eníhú...þar sem ég held að ég sé ofurkona þá ætla ég að halda þessu öllu til streitu. fyrir forvitna þá geta þeir kíkt á: http://arnaogerlendur.barnaland.is/

2009-02-23T15:15:00.004Z

ég hefði átt að þusa meira um fólk sem eyðir meiri tíma á facebook í stað þess að blogga. þann stutta tíma sem ég hef til að skjótast í tölvuna þá fer ég frekar á fésið en hingað...(roðn)

en alla vega...lífið er yndislegt hjá okkur litlu stórfjölskyldunni. dúettinn dafnar vel og stækkar. foreldrarnir eru yfirleitt alltaf syfjaðir meðan þeir sinna þeim verkum sem þarf að sinna; gefa börnunum, skipta á börnunum, klæða börnin, hugga börnin, þvo af börnunum, baða börnin... inn á milli gefst þó tími til að hringja kannski í einhvern einn, skjótast í tölvuna, gleypa í sig mat, skella sér í sturtu eða jafnvel taka eina leggju. ég hef ætlað mér að stofna barnalandssíðu fyrir dúettinn en eins og sést gefur maður sér ekki tíma í það. nógu erfitt er að setja inn myndir á fésið, það tekur nefnilega svo langan tíma.

í gær hefði átt að vera fæðingardagur dúettsins miðað við 40 vikna meðgöngu. í tilefni dagsins fórum við með liðið í fyrsta sinn út í vagninum. við röltum einn snöggan hring í bænum og heim aftur. það var æðislegt að komast út og hreyfa sig soltið og ekki er laust við að maður hafi verið beinni í baki og rogginn á svipinn þegar maður ýtti vagninum á undan sér. ég hlakka til þegar maður getur farið að gera þetta reglulega.

komin heim...

2009-02-09T11:52:00.002Z

...á eyjuna fögru með nýju vestmannaeyingana.
við útskrifuðumst af spítalanum mánudaginn 2. febrúar og eyddum 4 dögum í að taka á móti gestum, nefna börnin og halda veislu í tilefni af nafngiftinni.
englarnir okkar fengu nöfnin Erlendur og Arna í höfuðin á öfum sínum og buðum við nánustu fjölskyldu í kaffi í tilefni af því. afarnir voru að sjálfsögðu rosalega glaðir og stoltir af þeim heiðri að fá nafna og nöfnu og við ætlumst auðvitað til þess að þeir dekri sérstaklega við börnin vegna þessa.
annars voru vinir og vandamenn einstaklega duglegir við að heimsækja okkur og þegar við héldum heim þurftum við nánast að panta flutningabíl til að koma öllum gjöfunum til Eyja. það kemst lítið annað í bílinn en við og krakkarnir og smá farangur. (við sjáum fram á að þurfa að kaupa okkur stærri bíl...)
heimferðin gekk vel og þykir einsýnt að krakkarnir séu hinir mestu sjóhundar, alla vega sváfu þau vel í herjólfi og gáfu foreldrum sínum því tækifæri á að hvíla sig líka.
en það besta af öllu var að komast heim á ásaveginn. kisilíus tók vel á móti okkur þó hann skilji ekki alveg ennþá alla þá athygli sem krílin fá, ég held hann sakni þess að vera aðalnúmerið. eftir að hafa komist heim þá skil ég ennþá betur þetta orðatiltæki: hóm svít hóm!

dúettinn mættur á staðinn.

2009-02-01T13:22:00.002Z

nú er ósk okkar um að verða foreldrar orðin að veruleika!
þegar við mættum galvösk til skoðunar mánudaginn 19. jan. var bumbukonan bara lögð inn med det samme. ástæðan: meðgöngueitrun. ekki skemmtilegt en hei, svona er þetta bara. það var vel fylgst með öllu hér á landspítala háskólasjúkrahúsi og passað upp á að bumbubúar hefðu það gott og til þess að þeir hefðu það gott þurfti hýsillinn að hafa það sæmilegt líka.
á endanum var ákveðið að ráðast í keisaraskurð þriðjudaginn 27. janúar. og tvíburi a (stúlka) fæddist kl. 13.51 e.h., 2710 grömm og 47 cm og tvíburi b (drengur) fæddist kl. 13.52 e.h., 3205 grömm og 50 cm.
síðan höfum við verið hér á sængurkvennadeild og bíðum spennt eftir því að komast heim. við ætlum nú samt að stoppa aðeins í borg óttans til að sem flestir geti nú hitt á prinsinn og prinsessuna. áhugasamir hafi samband!

nýjustu fréttir...

2009-01-14T08:40:00.002Z

jæja, það er farið að styttast ískyggilega í annan endann á þessari meðgöngu. við hjónaleysin eigum sónartíma og viðtal við fæðingarlækni mánudaginn 19. jan í borg óttans. þá eru komnar 35 vikur. þá verður væntanlega tekin ákvörðun um keisara eða fæðingu og hvenær búast mætti við dúettinum. við vonum það alla vega því að móðirin tilvonandi er að verða ansi þreytt.
annars er heilsan góð miðað við aðstæður, býst ég við. brjóstsviðinn er að drepa mig nánast allan daginn, bjúgurinn situr á mér sem aldrei fyrr og hreyfigetan er orðin ansi takmörkuð bæði vegna risakúlunnar og liðverkja í hnjám og mjöðmum. en ég tek þessu öllu eins og hverju öðru hundsbiti og bít á axlirnar.
barnaherbergið er eiginlega orðið klárt, þarf bara að taka aðeins til. við náum í bílstólana í rvk þegar þangað verður komið og verslum heimferðarföt á liðið. þá ætti allt að vera komið og litlu krílin mega fara að láta sjá sig.
ég reyni svo að setja inn fréttir af okkur þegar komið verður til rvk, en það fer eiginlega allt eftir því hvort fartölvan verður komin úr viðgerð eða ekki.

sveinarnir fara að fara...

2009-01-08T12:08:00.004Z

nú er jólaskrautið farið oní kassa þó að þrettándinn í vestmanneyjum verði ekki fyrr en á morgunn. jólaseríur og önnur jólaljós fá þó að vera áfram í gluggunum fram að gosdeginum eins og hefð er orðin fyrir hér á eyjunni fögru.

það var nú samt soldið skrítið að drita þessu aftur ofan í kassa því að mér fannst þetta búið að vera svo stutt uppi við og svo verður alltaf hálftómlegt þegar jólasveinar, englar og jólakettir eru farnir úr hillum og gluggakistum.

næstu jól verða væntanlega allt öðru vísi. þá verður maður eflaust á sprettinum á eftir tveimur 10 mánaða gríslingum sem vilja klifra í jólatrénu, halda á fína dagatalakertinu eða bara endurraða jólaskrautinu sem er út um allt. (og þegar ég tala um að endurraða: henda í gólfið) það verður samt bara gaman!

gleðilegt ár!

2009-01-03T11:51:00.003Z

góðan daginn og gleðilegt ár!
nýtt ár gekk í garð hér með hefðbundnum hætti eins og annars staðar, þ.e. tíminn leið...
við hjónaleysin borðuðum stórsteik hjá tengdó en komum svo heim til að horfa á skaupið, enda hefð fyrir því að fá þau hjalla og berglindi til okkar og vera memm fram yfir miðnætti. bæ ðe vei: okkur fannst skaupið frábært!!!
í gegnum árin hefur síðan verið haldið heljarinnar partý hjá okkur en vegna aðstæðna á markaði var það ekki gert núna. hjalli og begga fóru því á vit ævintýranna þegar búið var að skjóta upp en við gunni minn fórum fljótlega að sofa. við þurfum vísta að safna kröftum áður en dúettinn mætir á staðinn.
og talandi um dúettinn þá fer nú að styttast í það að hann komi í heiminn. bumban stækkar og stækkar og er mikið á iði, mamman sefur minna og minna og pabbinn er orðinn ansi góður í að klæða mömmuna í sokka. barnaherbergið er nánast tilbúið og augljóst að foreldrarnir verðandi töpuðu sér í bangsímon þemanu. nú þarf bara að fara að huga að brottför til höfuðborgarinnar þar sem krílin þurfa að koma í heiminn.
p.s. til pabba: nudge nudge vaggan þarf bráðum að verða tilbúin nudge nudge

jóla, jóla, jóla, jóla....

2008-12-24T11:53:00.003Z

þá getur maður farið að éta konfekt, kökur og dýrindis steikur því jólin eru brostin á. ekki væri heldur verra að eitthvað leyndist í jólapökkunum sem mann langar í.

ég óska ykkur gleðilegra jóla og gæfu á nýju ári. megi kreppudraugarnir halda sig í burtu frá ykkur sem lengst. sjáumst hress á árinu sem senn gengur í garð!

loksins, loksins...

2008-12-12T13:36:00.006Z

hvað haldið þið? jú, það stefnir í að ég geti sofið í svefnherberginu mínu um helgina! eftir að hafa sofið í stofunni í u.þ.b. 2 mánuði, eftir framkvæmdir sem m.a. fólust í gluggaskiptum, þá er ekki frá því að hægt verði að flytja rúmið inn í herbergi.

þetta átti ekki að taka svona langan tíma. gunni minn kláraði sitt fljótt og vel enda einstaklega handlaginn verkmaður. en kallagreyin sem smíðuðu gluggana gleymdu að panta rúður. svo þegar rúðurnar komu voru þær sprungnar (litlu rúðurnar) og stóra rúðan var hreinlega of lítil. nú þetta er reyndar ekki búið enn því að stóra rúðan er komin (eftir langa mæðu) og í gluggann (út úr neyð, ég vil ekki sofa í stofunni um jólin því þá er ekkert pláss fyrir jólatré) en það er sprunga í henni. þannig að við verðum í þessu brasi fram að páskum, grunar mig.

svo er gunni minn að klára gluggamálin í barnaherberginu líka. ótrúlegt en satt var líka vesen með rúðurnar þar. en ef allt gengur eins vel og hægt er miðað við sprungnar aðstæður þá gætum við komist langt með barnaherbergið, raða húsgögnum sem komin eru og svona. gardínumál verða að bíða þar til við komumst til borgar óttans.

en kisi minn verður að sætta sig við að kúra einn frammi eftir þessa flutninga aftur inn í herbergi, greyið litla.

jólaundirbúningur

2008-12-05T13:02:00.003Z

ég fór að velta fyrir mér æðinu í fyrir jól eftir að hafa lesið bloggfærslu möggu móðu fyrir nokkrum dögum. þar sagði að hún ætti eftir að þrífa svo marga skápa fyrir jólin og hefði svo mikið að gera að hún vissi ekki hvernig hún ætti að klóra sig fram úr þessu.

ég kommentaði að jólin væru yfirleitt ekki inni í skáp og að þau kæmu hvort sem skáparnir væru hreinir eða ekki.

ég man vel hvernig þetta var heima hjá mér í gamla daga. mamma bakaði 14 smákökusortir, svampbotna, marengsbotna, skinkuhorn, ostahorn, kúmenkringlur, randalínur, döðlubrauð, gráfíkjutertur og ég veit ekki hvað, fyrir utan konfektið sem hún var farin að gera líka. það þurfti að gera kertaskreytingar og kransa og það þurfti líka að þrífa inni í öllum skápum, skrúbba loft og veggi, pússa allt sem pússandi var o.s.frv. þetta tók toll af fjölskyldunni. stundum svo að allir voru hundfúlir hverjir við aðra af stressinu í mömmu af því að allt átti að vera fullkomið kl. 18.00 á aðfangadagskvöld. og yfirleitt var allt fullkomið, nema að mamma var úrvinda eftir erfiðan mánuð.

ég fæ reyndar stundum svona tilfinningu ennþá fyrir jólin að ég sé ómöguleg húsmóðir af því ég geri ekki allt eins og mamma (og reyndar amma, þaðan fékk mamma þetta æði fyrir jólin). en sem betur fer er ég frekar skynsöm kona og veit að jólin felast ekki í glansandi gólfum eða milljón smákökum sem enginn nennir að borða af því það er boðið upp á svo mikið konfekt. nei, ég dreifi verkefnunum jafnt á mánuðinn og læt mér nægja tvær smákökusortir (bara upp á stemminguna) og hef talið mér trú um að það sé betra að þrífa skápa á vorin því þá sést skíturinn betur. ég vil njóta þess að skreyta í rólegheitum, hlusta á jólalög og narta í smákökurnar, því konfektið geymi ég fram að jólum. svona vil ég njóta aðventunnar og hlakka til að eyða jólunum með þeim sem mér þykir vænt um, hvort sem að vel sé raðað inn í fataskáp eða ekki.

breytingar

2008-12-01T13:22:00.002Z

nú standa yfir breytingar á herbergjaskipan í húsinu. ég er reyndar búin að sofa í stofunni í rúman mánuð vegna skorts á rúðu í nýja gluggann en það eru ekki breytingarnar sem nú eru fyrirliggjandi. tölvan er komin upp á loft og verið er að vinna að því að tæma litla herbergið sem senn verður barnaherbergi.

hann gunni minn er í landi og hann lætur sér sko ekki leiðast. þar á sumsé að skipta um glugga (í hann vantar ekki rúðu) og mála og svo raða inn þeim húsgögnum sem æskileg eru í slíkum herbergjum. það er nú ekki margt sem vantar ennþá. bara svona dúllerí sem mömmum finnst vanta í slík herbergi: sætar gardínur, næturljós, krúttlegt loftljós, hillur fyrir alls kyns krúttlegheit, jafnvel veggborða og að sjálfsögðu þarf þetta allt að vera í stíl. mikið vildi ég að ég gæti ráðið svona innlit/útlit týpu sem myndi bara sjá um þetta fyrir mig. því þó ég sé hætt að vinna vex mér þetta svo í augum að ég er að fá útbrot af þreytu fyrirfram...

síðasti vinnudagurinn

2008-11-28T22:28:00.003Z

síðasti vinnudagurinn í dag. frá og með mánudeginum er ég komin í óléttuorlof þar til A og B fæðast og þá byrjar fæðingarorlofið. þetta er skrítin tilfinning og það verður ennþá skrítnara að þurfa ekki að fara á fætur kl. 7.00 á hverjum virkum morgni, ekki ósvipað og að vera í verkfalli. en ég ætla mér að taka mark á heilbrigðisstarfsfólkinu og hætta meðan allt er ennþá í góðu og ég get einbeitt mér að því að hvílast og græja og gera fyrir komu krílanna. læknirinn sem skrifaði vottorðið fyrir mig sagði að hann hefði viljað að ég hefði hætt á 20 viku, þ.e. fyrir 2 mánuðum síðan. þá hefði ég nú örugglega misst vitið eða þá að bjallan sem gunni keypti um daginn væri komin á götuna nú þegar...

en tvíbbarnir þroskast vel og miðað við mælinguna í dag þá verða þetta stór og stæðileg börn þegar þar að kemur. alla vega voru þau yfir kúrfunni en það gæti nú hægst á stækkuninni fljótlega þegar plássið í bumbunni minnkar. ég er farin að finna fyrir því að plássið er orðið lítið því að iðullega er annar hvor tvíburinn eða báðir í feykifjöri og sprikla sem mest þeir mega og þá gengur bumban í bylgjum. það er nú bara gaman, meðan ég hef svefnfrið að minnsta kosti.

22. nóv.

2008-11-23T10:40:00.002Z

í gær fattaði ég að það voru nákvæmlega 3 mánuðir í áætlaðan fæðingardag litlu twillinganna. ég horfði niður á bumbuna og dæsti því ég er farin að líta út eins og hvalur nú þegar.

það er sagt að tvíburamömmur séu orðnar jafnsverar á 29. viku og einburamömmur á 40. og síðustu vikunni. það verður hjá mér í þar næstu viku...og þessar elskur þarna inni eru farnar að láta mömmu sína finna fyrir því. ég þarf að vakna til að pissa svona þrisvar á nóttu og að bylta sér í rúminu er orðin ný íþrótt, ég á orðið erfitt með að fara í sturtu því ég þreytist svo að standa og bisa þetta, óléttufötin sem ég á eða hef til afnota eru að verða of lítil, ég hef sloppið við brjóstsviða en nábítur er daglegt brauð, ef ég dirfist að standa meira en góðu hófi gegnir í vinnunni þá langar mig að gráta vegna þreytu í fótunum, ég þarf að leggja mig á daginn til að geta vakað til 22.00 (ókei, það er kannski ekki svo slæmt) og innyflin eru notuð fyrir boxpúða allan liðlangan daginn.

útaf öllu þessu þá fer að styttast í að ég hætti að vinna, eins ómissandi og mér finnst ég vera. jæja, ég er ómissandi fyrir krílin mín í bumbunni og ætla að njóta þess þar til þau koma að geta ekki sofið, staðið eða farið í sturtu...

facebook

2008-11-16T16:44:00.003Z

ég hef komist að því að mér finnst facebook ekkert rosalega skemmtilegt. ég er jú með facebook síðu en hef takmarkaðan tíma til að hanga á netinu. ástæðan fyrir því að mér finnst þetta ekki mjög skemmtilegt: það eru allir hættir að blogga. í staðinn eru menn og konur að taka endalausar kannanir á því hvaða simpson persóna þeir/þær eru, hvaða grænmeti þau eru, hvort þau séu ung í anda og senda manni boð í alls konar vitleysu sem ég vil ekki taka þátt í. það er t.d. gang wars, hver er besti vinurinn á facebook, besti partýhaldarinn og ég veit ekki hvað.
vissulega er gaman að rekast þarna á fólk sem maður hefur ekki séð í áravís. það fylgja hins vegar ekki miklar upplýsingar um viðkomandi; hvað hefur verið að gerast, hvað fólk er að hugsa o.s.frv. það finnst mér skemmtilegra...
kannski er ég bara svona takmörkuð að ég sé ekki möguleikana í þessu öllu en ég hef hitt fleiri sem svipað er ástatt um og veit því að ég er ekki eini asninn í netheimum sem skilur ekki hvað all the fuzz is about...

namminamm...

2008-11-15T10:48:00.002Z

ég er að fara að baka jólasmákökurnar með sæfinnu. þetta er orðin jólahefð hjá okkur en er frekar snemma í ár sökum bumbustækkunar af minni hálfu, það verður erfitt að segja hvernig ástandið á mér verður um miðjan desember (kannski jafnbreið á þverveg eins og langveg?). ég er einmitt að fara að kaupa hráefnið núna og ætla að líta eftir nokkrum jólagjöfum í leiðinni.

ég reyndar uppgötvaði það í gær, mér til mikillar gleði, að ég er langt komin með jólagjafakaupin í ár. var nebblega búin að gleyma fyrirhyggju minni í vor á bókamarkaðnum í perlunni og svo gerði ég líka góð kaup á tónlistarmarkaði um daginn.

jiiii, það vantar bara að ég fari að prjóna og taka slátur og sulta þá er ég orðin ýkt mikil húsmóðir og almennilega fyrirhyggjusöm að auki.

2008-11-01T08:37:00.003Z

þessa dagana eru allir að tala um ástandið á íslandi í dag. ég er orðin hundþreytt á því. við getum talað okkur blá í framan en það breytir engu um hvað þessir háu herrar og frúr á alþingi og í öllum þessum nefndum og ráðum gera.

hins vegar er ég mjög hrifin af framtaki þeirra sem settu á fót síðuna http://www.indefense.is/ þarna er málpípa fyrir almúgan að tjá sig um gjörðir herra browns og herra darlings sem hjálpuðu til við að gera vondar aðstæður verri. ekki er heldur verra að húmorinn er í fyrirrúmi. stúlkan á myndinni er dóttir kunningjakonu minnar og eins og sjá má er hún ekki ánægð með kumpánana darling og brown.

brosað í kreppunni

2008-10-17T18:29:00.003Z

á þessum síðustu og verstu tímum þegar allir eru að barma sér hef ég tekið þá ákvörðun að breytast í Pollýönnu.

ég er t.d. mjög ánægð með að eiga enga peninga til að hafa áhyggjur af og hvað varðar skuldirnar þá reddast það eins og venjulega.

ég er ánægð með að gunni minn skuli vera bóndi svo að við fáum nóg af kjeti í kistuna.

ég er ánægð með að vinur okkar sé bolfisksjómaður og við fáum að njóta góðs af því.

ég er ánægð með að kisi minn knúsar mig alltaf jafnmikið, sama hversu lítið ég á af aur.

ég er ánægð með að bumban stækkar og stækkar.

ég er ánægð með að eiga fjölskyldu.

ég er ánægð með að eiga hann gunna minn.

ég gæti bætt helling við en það yrði bara væmið og asnalegt. en eins og þeir segja á skjá einum: það sem er verðmætast í heiminum er ókeypis...

2008-10-03T19:28:00.003Z

alltaf verður maður jafnhissa þegar fyrsti snjórinn lætur sjá sig! lélegu sumardekkin eru ennþá undir bílnum og bíða eftir því að gunni minn komi heim af sjónum svo hægt sé að skipta yfir á vetrardekk. ég er of mikil prinsessa og of ólétt til að nenna að standa í því sjálf.

annars líður ekki á löngu þar til gunni minn kemur heim í frí en hann mun samt missa af 20 vikna sónarnum og það finnst mér leiðinlegt. hins vegar er það mikill kostur að tæknin er orðin svo mikil að ég fæ upptöku á dvd af krílunum til að sýna honum þegar hann kemur heim. en aumingja gunni minn fær ekki mikið frí þegar hann kemur heim; það þarf að byrja að skipta um glugga í húsinu og byrja að færa tölvuherbergið upp og græja barnaherbergið niðri, hann þarf að skipta um dekk eins og áður sagði, klára grindverkið sem hann byrjaði á í ágúst, setja vetrarhlíf utan um jenna (öspina sem við bindum miklar vonir við), stjana við mig og bumbubúana, knúsa mig mikið og lengi og ég veit ekki hvað og hvað... en mikið hlakka ég til að sjá gunna minn...

jæja, loksins!

2008-09-26T18:13:00.003Z

af hverju er mynd af skapta og skafta hér? lestu áfram...

nú er maður loksins sestur niður aftur til að pára eitthvað hér. ég hef orðið fyrir aðkasti vegna þess hve löt ég hef verið við að setja eitthvað inn hér, það má líka segja um fleiri en ég ætla ekki að fara kasta steinum úr glerhúsi þó ég sjái flísina í auga náungans en bjálkinn sem ég þvælist með er farinn að skyggja á útsýnið úr glerhúsinu...

aðalástæðan fyrir nennuleysinu í sumar er flökurleiki og almennt slen sem fylgir fyrstu mánuðum meðgöngu. það hamlaði því sumsé að ég hefði orku í ýmislegt sem fólki finnst annars sjálfsagt. jú, tvíburakrílin hafa haft mikil áhrif á orkubúskap undirritaðrar og munu eflaust gera um ókomna framtíð en við gunni minn gætum ekki verið glaðari enda búin að bíða eftir þessu í ansi mörg ár. þrátt fyrir að hafa sett mynd af eineggja karlkyns tvíburum skuluð þið ekkert lesa í það því okkar tvíbbar er tvíeggja og ekki er vitað um kynin. hér á síðunni mun síðan opna veðbanki þegar nær dregur fæðingu...

en nú þegar meðgangan er u.þ.b. hálfnuð þá er mér farið að líða mun betur þó svo að ég sé oft svo þreytt eftir vinnudaginn að ég geri mest lítið eftir að ég er komin heim. þannig að ekki búast við því að ég fari að setja nein met í bloggfærslum.

2008-07-21T16:31:00.002Z

ég hef verið haldin einstakri bloggleti eins og menn og konur hafa eflaust tekið eftir. það er líka ýmislegt sem mann langar frekar gera þegar sólin skín og maður er fríi. annars hef ég verið mest heima en hef líka farið aðeins upp á land. gunni minn er kominn í frí og verður í fríi þar til ég fer að vinna 18. ágúst. ég mun örugglega ekki vera dugleg að skrifa hérna inn það sem eftir er af sumri en kannski kemur einhver speki ef ég kemst í stuð. ef ég sé með hattinn kemst ég örugglega í stuð...

2008-06-11T15:50:00.002Z

ekki fór júróvisjón eins og ég ætlaði en það verður að hafa það. ég held svei mér þá að ég hafi ekki haft rétt fyrir mér síðan ruslana vann hér um árið. lagið mitt dunar nú samt í græjunum reglulega þar sem ég keypti diskinn.

en nú er komið að enn öðru þar sem ég held með portúgal, nefnilega em í fótbolta. þarna er portúgalshlið fjölskyldunnar ekki heldur með þrýsting á mig að hvetja þessa snillinga heldur er það hinn undurfagri Figo sem er þess valdandi. hann var ekki í liðinu í fyrsta leiknum, heldur í stúkunni væntanlega sem andlegur stuðningur. fyrir ykkur sem ekki vitið hver þetta er þá skuluð þið fletta upp orðinu karlmennska í orðabók og það er mynd af honum þar við hliðina, það segir katla vinkona alla vega. ef ég ætti ekki kyntröllið gunna minn fyrir mann þá væri figo orðinn minn fyrir löngu.

júróvisjón - jibbí!

2008-05-23T16:15:00.002Z

eins og alþjóð veit er júróvisjón búið að vera í gangi alla vikuna og endahnúturinn verður bundinn á laugardag. æðislegt að íslendingar skyldu loksins komast upp úr undankeppninni, þá fyrst hefur maður afsökun fyrir því að fá sér í aðra tána í tilefni kvöldsins.

ég verð samt að játa að ég mun ekki fara í teitina til örvars og kötlu (það nagar mig efinn, en svona er þetta) heldur ætla ég að vera á eyjunni fögru og nýt keppninnar hér. ég hef samt valið mér land og það er PORTÚGAL. ég vil ekki meina að ég sé undir neinum þrýstingi frá fjölskyldunni heldur er þetta lag algjör snilld og ekki varð það síðra þegar ég fékk að vita um hvað það er. ég kaus það 6x í undankeppninni (hálfskælandi af geðshræringu, svo hrifin var ég) og mun kjósa það sem mest ég má annað kvöld. og allir að kjósa Vânia Fernandes með mér!!!

góða skemmtun!

melspíra

2008-05-09T15:41:00.001Z

ég lærði nýtt orð hjá gunna mínum um daginn. það er orðið: melspíra. þeir sem þykjast vita hvað þetta er endilega látið ljós ykkar skína!

bissí bý

2008-05-06T17:54:00.004Z

margt hefur á dagana drifið síðan síðast. sólin hefur skinið töluvert þó að þoka og rigning sé normið undanfarnar tvo daga, einmitt þegar ég er búin að rífa fram reiðhjólið og hjóla í vinnuna. austanáttin er erfið á heimleiðinni skal ég segja ykkur.
en eins og ég sagði þá hefur margt gerst og þetta stendur upp úr:

guðný fyrrum kennari kom til eyja við aðra konu á lokasýningu hársins.
ég fór með hálf-japanskan breta í túristarúnt. hitti hann ásamt vinkonum á pöbbanum og af einstakri gestrisni rúntaði ég með liðið um eyjuna fögru í sól og blíðu daginn eftir.
ég sveik lit og fór aðeins í vinnuna á 1. maí. varð að gera það til að vinna upp eftir veikindi. þetta gerir sig víst ekki sjálft.
ég fór út í brand í fyrsta sinn í sumar í bongóblíðu. geððegt!
ég hitti vinkonurnar og við fórum um hafnarfjörð að leita að álfum/huldufólki.
ég borðaði í fyrsta sinn á manni lifandi.
ég hitti stóran part móðurfjölskyldunnar í kaffiboði hjá ömmu og afa. ýkt gaman og suma hafði maður hreinlega aldrei séð (börn sem hafa fæðst erlendis).
ég fór í 65 ára afmæli tengdapabba og fékk hópknús frá börnunum í veislunni.

framundan er svo 16 ára ammæli hjá litlu syss, vinna eins og skepna til að klára veturinn (verð einmitt næstu kvöld með vinnu heima...ég sé ekki alveg fram úr þessu öllu), reyna að halda heimilinu í horfinu og knúsa gunna minn oft og mikið en hann er kominn í frí framyfir sjómannadag.

bið að heilsa í bili...

sumardagurinn fyrsti

2008-04-24T11:35:00.003Z

nú er sumarið komið opinberlega á íslandi. á eyjunni fögru birtist sumarið með hægum vindi og mjög lágum skýjum. ég bíð spennt eftir sólinni.
gleðilegt sumar öll sömul!

2008-04-23T17:29:00.003Z

þar sem ég ligg veik heima og hef ekkert annað að gera en að horfa á varp það er kennt er við sjón þá fór ég ekki varhluta af fréttum í dag. þar bar hæst mótmæli trukkabílstjóra við suðurlandsveg.
ég er hlynnt því að verið sé að mótmæla of háu bensínverði. peningurinn sem maður eyðir í eldsneyti er skandall.
fréttirnar sem ég sá byggðust flestar á því að hallað var á lögguna fyrir fasíska tilburði. ég ætla ekki að leggja dóm á það, enda var ég ekki á staðnum, og ég býst við að þeir hafi brugðist við eins og þeim þótti réttast í stöðunni. að nota meis eða ekki? örugglega erfitt að meta þegar staðan var orðin svona.
en það sem mér fannst mest svekkjandi við þessa atburði var að þarna myndaðist múgæsing sem er þessum málstað ekki til framdráttar. þarna birtist misviturt fólk sem gerði allt (g)eggjað og að auki fór lögregluþjónn á spítala eftir að hafa fengið grjót í höfuðið.
mótmælum áfram en gerum þetta ekki að stríði við lögguna. löggurnar eru jú bara í vinnunni sinni og finnst alveg örugglega ekki gaman að standa í svona veseni.
spurning hvort við eigum ekki bara að bojkotta bensínstöðvarnar í smá tíma, þá kannski lækka olíufélögin þetta bara sjálf án afskipta ríkisins?

lasarus

2008-04-22T14:39:00.004Z

vorið góða grænt og hlýtt sem græðir víst fjör í dalinn er komið og ég er veik heima... hef sloppið alveg í vetur meðan allir aðrir hafa legið með hor og hósta. ég hélt að flensutímabilið væri búið en nei, ég þurfti að ná í skottið á því...djö.....
og ekki nóg með að ég sé lasin þá er ég ein heima því gunni minn er á sjó. ég þarf þá víst að sjá um mig sjálf og ekki nóg með það hef ég engan til að vorkenna mér.
en gunni minn og þeir á huginn komu heim til að landa um helgina en fóru aftur á laugardagskvöld. þeir eru því tiltölulega nýkomnir á miðin. þeir misstu pokann og því fór það hal fyrir lítið. en svo settu þeir nýja pokann út og pössuðu að stúrmestrássið passaði við höfuðlínustykkið, þannig að þetta hefur haldið ennþá. kassaþvingulegurnar stjórnborðsmegin hafa líka staðið sig meðan badervélarnar vantar sanspanaríum. en ef að svona heldur áfram þá fylla þeir fljótt og vel og landa jafnvel í Shetlandseyjum, það er þó ekki vitað fyrr en í kvöld. en þegar næst verður landað heima ætlar gunni minn að fara í frí þar sem sauðburður er að bresta á í brandinum.
vonandi verð ég laus við flensuna þá...

ég er hér enn

2008-03-28T20:59:00.002Z

og get ekki annað.
stutt og laggott af undanförnum vikum: fékk frábæra gesti um páskana, lailu og lúlla, gunni minn var heima og allt í lukkunnar velstandi. eva og þór á eyjunni og mikið haft gaman. er búin að fara í fyrstu tuðruferð ársins á lánstuðru í nístingskulda, en djöf... var gaman. vinn sem aldrei fyrr og sel miða í leikhúsinu um helgar. gunni minn farinn aftur á sjó og við kisi kúrum okkur á kvöldin fyrir framan imbann. rólegt sumsé á eyjunni fögru.

frumsýning

2008-03-14T17:02:00.003Z

í kvöld er l.v. að frumsýna hárið. miðað við það sem ég hef heyrt þá lofar þetta rosalega góðu. ég gat að sjálfsögðu ekki haldið mig alveg frá þessu og vann í leikskránni, hún er líka ein sú flottasta sem gerð hefur verið! svo er ég að græja mig í að fara niðrí miðasölu þar sem ég mun standa vaktina, alla vega í dag og á morgunn og jafnvel oftar. svo mun ég berja augum nýjasta sköpunarverk míns ástkæra leikfélags.

við leikara, söngvara og hljómsveit vil ég segja: breik a legg.

við alla leikfélagsmeðlimi segi ég: gleðilega hátíð!

2008-03-10T15:41:00.002Z

já, ég veit...langt síðan síðast en andinn hefur bara ekki verið yfir mér undanfarið.
fréttahaukar sem ég þekki vita það að sjálfsögðu að loðnuvertíðin fór aftur í gang en er nú senn að ljúka þar sem hrygning er að bresta á. gunni minn hefur rétt komið heim í mýflugumynd og ég hef varla getað knúsað hann neitt. en þegar vertíð lýkur stoppa þeir kannski eitthvað heima, vonandi fram yfir páska.
ég hef örlítið verið á þvælingi til borgar óttans. hitt þar fjölskyldu og vini í góðum gír. meira að segja splæsti ég í flug um helgina síðustu til að komast í árlegt fjölskyldupartý hjá ömmu og afa. þar var sungið við undirleik míns ástkæra bróður, látið eins og vitleysingar, spjallað og haft það notalegt. alltaf jafnskemmtilegt og frábær hefð sem mér finnst að fleiri eiga að taka þátt í ef þeir mögulega geta. þetta er nefnilega skemmtilegt fólk sem ég á. og það er ekki verra að pabba megin er fjölskyldan helv... skemmtileg líka. hvernig yrði það ef þessu liði yrði öllu smalað saman? það yrði örugglega geggjað enda miklir húmoristar báðum megin og söngfólk. kannski ég fari bara að plana það...

smá kvart og kvein og svo einn moli í lokin.

2008-02-26T15:16:00.004Z

jæja. loðnuveiðar bannaðar og fjárhagur heilu byggðarlaganna og alls fólksins sem þar býr er í hættu. miðað við það sem ég hef heyrt þá er ég ekki viss um að hafró-menn séu með réttu ráði en þeir eru kannski að bæta fyrir vitleysuna í sér núna.
gunni minn kom heim um helgina en ég sá nú ekki mikið af honum þar sem hann var að vinna vaktir við bryggju. þeir voru nebbnilega með hellings afla sem að þurfti að vinna....engin loðna, einmitt! og norðmenn fengu að klára kvótann sinn innan okkar lögsögu en ekki skip í okkar flota...þvílíkt bull!
en hann gunni minn er farinn aftur þar sem huginn ve, ásamt 4 öðrum skipum, var fenginn til að kasta fyrir hafró til að geta reiknað út hvort að það sé í alvöru einhver loðna í sjónum. þeir vonandi fá sem mest svo að við þurfum ekki að segja okkur til sveitar.
svo er verið að hækka gjaldskrá herjólfs. ég mun því líklega ekki komast til lands nema svona tvisvar á ári. svo segja okkar háttvirtu embættismenn að ekki þurfi að borga fyrir að ferðast á þjóðvegum landsins. akkúrat! miðað við dóm í ölvunarakstursmáli sem féll í héraðsdómi suðurlands þá er herjólfur þjóðvegur, en þar var maður tekinn við ölvunarakstur (ekki skipstjórinn samt). kallgreyið þurfti að færa bíl á bíladekkinu og hafði víst fengið sér í aðra tána fyrst. þingmenn okkar vestmannaeyinga tala fyrir daufum eyrum á okkar háa alþingi.
jæja. ég er hætt að kvarta. er búin að blása aðeins út og því koma hér gleðifréttir:
magnús bróðir minn og hans kvinna eignuðust dóttur í gær. þetta er fjórða stúlkan sem bróður mínum fæðist og því ekki að ósekju að ég vilji að hann stofni hljómsveit sem heitir maggi og stelpnastóðið. innilega til hamingju með litlu dúlluna! ég hlakka til að sjá ykkur og nýjasta fjölskyldumeðliminn!

20.02.2002

2008-02-20T20:46:00.003Z

fyrir sex árum í dag vildi enginn giftast mér. því brá ég á það ráð að æða inn á skrifstofu sýsla og fá pappíra til að skrá okkur hjónaleysin í sambúð, þvingaði gunna minn til að skrifa undir og þar með urðum við löggilt kærustupar. ástæðan fyrir æðibunuganginum í mér var þessi flotta dagsetning. næst verður hægt að lesa dagsetningu jafnt afturábak sem áfram árið 21.12.2112. kannski vill einhver giftast mér þá en þá er líklegt að maður verði orðinn soldið hrumur...
alla vega, gunni minn og ég: til hamingju með að hafa þolað hvort annað löglega í 6 ár, að ég tali nú ekki um tímann þar á undan!

af loðnu og öðrum loðnum kvikindum

2008-02-19T19:13:00.004Z

það hefur margt lítið gerst undanfarið. við gunni minn höfum haft það notalegt en nú er hann farinn aftur á sjó eftir rúmlega viku inniveru. þeir strákarnir á huginn eru farnir að veiða loðnu en því miður er ég ekki viss hvort notað sé troll eða nót við veiðarnar. nú þurfa allir sem ég þekki að henda sér á hnén (erla, þú mátt segja nén) og biðja alla vætti um góða vertíð. þeir sem stjórna eru nefnilega að hóta að blása loðnuveiði alfarið af þó svo að norðmenn séu búnir að klára sinn kvóta hér nálægt íslandi... maður verður víst bara að bíða og vona...
mér tókst að ná mér í flensuskít um það leyti sem gunni minn fór. hundfúlt að vera lasin og ein heima, enginn til að stjana við mann. en sem betur fer er ég hraust (lesist: þrjósk og ómissandi) og hef samt mætt í vinnu. ég er semsagt að ná þessu úr mér með vítamín- og panódíl-áti og mikilli tedrykkju.

hér er farið að snjóa eina ferðina enn en ég vona að þetta verði ekki jafn svæsið og síðast. en í tilefni þessa langar mig að kasta fram fyrriparti úr vísu:

fannhvít er fönnin bjarta,
fellur sem best hún getur.

og botniði nú!

mont!

2008-02-12T19:31:00.000Z

glöggir áhorfendur kvöldfrétta rúv í dag hafa væntanlega séð frétt um söfnun nemenda 5. bekkja hamarsskóla fyrir rauða krossinn. þarna voru börnin mín (og hinna kennaranna líka) að sýna afrakstur söfnunar til handa skólabörnum í gambíu. þau söfnuðu skólatöskum, pennaveskjum, litum, blýöntum, bókum, fötum og fleiru nytsamlegu. þessi söfnun var í tengslum við átak suðurlandsdeilda rauða krossins og við fengum að taka þátt. forsprakki rauða krossdeildar vestmannaeyja, hermann einarsson alls staðar, kom síðastliðinn föstudag og tók við gjöfunum og hélt smá fyrirlestur í leiðinni.

fréttamaður rúv í eyjum kom og myndaði þetta allt í bak og fyrir og tók viðtal við tvo krakka. ég er að rifna úr stolti yfir hvað krakkarnir mínir voru duglegir og gjafmildir. ekki var heldur verra að þau skyldu komast í sjónvarpið fyrir vikið.

2008-02-09T11:48:00.001Z

gunni minn þurfti svo ekkert að moka innkeyrsluna eftir allt saman. það byrjaði að hlána eiginlega um leið og hann kom. en mikið var ég fegin að hafa hann heima í veðrinu í gær, þá vissi ég líka að hann væri óhultur en ekki að berjast í brjáluðu veðri einhvers staðar úti á sjó. svo bjóst ég reglulega við því að rúðan í stofunni kæmi hreinlega inn! jeminn eini! ég hefði ekki boðið í það að vera ein ef það hefði gerst. en við náðum að hafa það huggulegt í rafmagnsleysinu sem veðrið olli.
gunni fór svo í björgunaraðgerðir áðan en gleraugun hans stjána nínon fuku út í sjó í gær niðri við höfn. að sjálfsögðu tókst gunna kafara að finna þau! launin sem hann þiggur munu líklega verða í formi humars sem er nottlega bara frábært. það er yndislegt að búa með svona klárum kalli!
svo er þorrablót hugins ve í kvöld. þeir ákváðu það peyjarnir á heimstíminu í vikunni. það verður örugglega gaman og fínt að fá hákarl. ég hef nefnilega setið á mér í búðunum hér að versla slíkt. gunna finnst lyktin líka vond og svo á ég bágt með að borða heilan bita, vil bara smá smakk. sum sé munum við gunni blóta þorranum í kvöld. et, drekk og ver glaðr!

enn snjóar í eyjum

2008-02-06T22:05:00.000Z

og gunni minn á heimleið til að moka innkeyrsluna!

reyndar er það ekki eina ástæðan. það er víst búið að vera eitthvað bilerí um borð og höfuðlínustykkið (?) hefur styst mikið eftir hverja viðgerðina af annarri. þeir koma því heim til að laga það sem laga þarf og halda þorrablót í leiðinni. við getum því sungið með góðri samvisku: nú er frost á fróni því allur þessi snjór og kuldi er víst ekki á undanhaldi.

það er því glöð drífa sem bloggar í kvöld!

skyndihraðahindrun

2008-02-03T18:58:00.000Z

enn er snjór á eyjunni fögru eins og víðar um landið. á fimmtudag var hellingssnjór en hífandi rok þannig að það var rosalegur skafrenningur. við bjartsýnu kennararnir í 5. bekk ætluðum að fara með liðið í sleðaferð. það gekk ekki...

svo þegar ég kom heim þá hélt ég að gaui hefði komið og mokað fyrir mig innkeyrsluna. svo reyndist ekki vera, megnið af snjónum hafði fokið í burtu. það sem varð eftir myndaði þessa fínu hraðahindrun fyrir framan bílskúrinn. ég hef aldrei átt hraðahindrun áður, þetta er ágætis tilbreyting og aldrei að vita nema ég fjárfesti í einni varanlegri þegar snjóa leysir.

ammæli

2008-01-30T18:20:00.000Z

hann gunni minn á afmæli í dag og auðvitað anna systir hans líka. ég veit ekki alveg með hana en hann verður sætari með hverju árinu sem líður og svei mér ef ég er ekki alveg jafn skotin í honum núna eins og fyrst, kannski meira?

hann eyðir deginum sínum um borð í huginn ve og vonandi verða strákarnir góðir við hann. ég er viss um að kokkurinn hann eysteinn muni framreiða einhverjar dýrindis krásir.

elsku gunni minn innilega til hamingju með daginn! ég epla þig!

jógi björn

2008-01-29T18:43:00.000Z

ég byrjaði á jóganámskeiði ekki alls fyrir löngu. ég hef alltaf verið spennt fyrir því að prófa og loksins fékk ég tækifæri til þess. mér finnst þetta alveg frábært og sé sjálfa mig bráðum svífandi fyrir ofan gólfið í lótusstellingunni. en í tímanum í dag þá voru nýjar æfingar sem vinna með liðleika en það verður að játast að ég er jafn stirð og solla. þess vegna líður mér eins og ég sé jógi björn, soltið klunnaleg og finnst gott að borða mat sem aðrir útbúa. kannast fleiri við þetta?

en hér er gáta. man einhver hvað litli vinur hans yogi bear heitir?

2008-01-28T19:03:00.001Z

gunni minn fór aftur á sjóinn í dag og ég er aftur farin að pirra mig á snjókomunni. planið var að þeir huginsmenn færu út í gærkvöldi en herjólfur fór ekki í gær og tveir áhafnarmeðlimir fastir uppi á landi. ég er þeim þakklát fyrir það því að gunni minn var örlítið lengur hjá mér.
kannski ég fari að hundskast upp á land til að lyfta mér upp meðan gunni aflar þjóðinni og okkur tekna? það er kominn rúmur mánuður síðan síðast, alveg kominn tími á þetta...

2008-01-26T10:43:00.000Z

enn snjóar en mér er alveg sama því að gunni minn er heima. hann kom í land á fimmtudagsmorgunn um 5 leytið og fer ekki aftur fyrr en á morgunn, sunnudag. reyndar hefur hann verið að vinna um borð þannig að ég hef ekki haft hann alveg útaf fyrir mig (snökt).
þetta stopp er víst lengra heldur en venjulegt þar sem það þarf að gera við nótina og bindivélina (það er samt ekki verið að heyja um borð) og svoleiðis. og af því þeir eru að veiða milli færeyja og skotlands er ólíklegt að þeir landi heima næst. það verður væntanlega ekki fyrr en á loðnunni. ég þarf sumsé að bíta á axlirnar og þrauka.

í lokin vil ég óska öllum bændum til hamingju með daginn í gær.

23. janúar 1973

2008-01-23T22:22:00.001Z

í tilefni þess að eldgos hófst á Heimaey fyrir 35 árum langar mig að benda ykkur á þennan vef hérna: http://heimaslod.is/
þar skuluð þið velja: Byggðin undir hrauninu og þá getið þið t.d. séð húsið mitt fyrir og eftir gos.

ammæli!

2008-01-22T19:42:00.000Z

ég á ammæli í dag
ég á ammæli í dag
ég á ammæli sjááálf
ég á ammæli í dag...

vedur.is

2008-01-21T20:12:00.000Z

ég held ég geti bráðum breytt nafninu á kennarasleikjunni í vedur.is. ég er nefnilega orðin eins og gamall kall og tala bara um veðrið og hægðir og lægðir.
veðrið á íslandi í dag er bara rugl. það er farið að hvessa duglega hér á eyjunni fögru og búið að rigna síðan fyrir hádegi. færðin er orðin slæm, aftur. ég er farin að velta fyrir mér hvort það verði skóli á morgunn. það er hætt við að léttari börn og mjónur eins og ég fjúki út á hafsauga í verstu hviðunum í fyrramálið. maður veltir þessu fyrir sér...

enn snjóar!

2008-01-18T16:39:00.000Z

ja hérna hér! það snjóar bara og snjóar, þetta er að verða eins og fyrir austan í gamla daga! ætli ég neyðist ekki til að taka fram skófluna eina ferðina enn...djö... ég er alla vega fegin að hafa hætt við að fara upp á land úr því að færðin ætlar ekki að breytast. það verður fínt að kúra sig inni í fannferginu og horfa á em í handbolta um helgina. ég er sannfærð um að strákarnir okkar geti ekki orðið lélegri en í gær. áfram ísland! kannski kíkja líka eva og þór, jafnvel í einn bjór, hvað veit maður?

2008-01-16T19:11:00.000Z

ég er orðin grasekkja enn á ný. gunni minn fór á sjó á laugardagskvöldið. eins og venjulega var það afspyrnu fúlt. ég hef samt haft lítinn tíma til að sakna hans þar sem ég er á haus í vinnunni þessa dagana. deddlænið fyrir einkunnirnar dregst nær og nær. maður þarf víst að klára dæmið þannig að það er unnið fram að kvöldmat á daginn uppi í skóla og svo heima á kvöldin, ég fór meira að segja laugardag og sunnudag í vinnuna líka. en þessu fer að ljúka. einkunnablöðin skulu prentuð út seinni partinn á morgunn.
þeir sem hafa fylgst með veðrinu undanfarið hafa væntanlega áttað sig á því að það hefur verið örlítil ofankoma undanfarna daga. við höfum ekki farið varhluta af því hér á eyjunni fögru. það hefur kyngt niður snjó sem aldrei fyrr og ég hef þurft að draga fram skófluna tvo daga í röð. í gær til að moka bílnum inn í skúr og svo í dag til að moka bílinn út úr skúrnum. ég vonast til að komast á kagganum í vinnuna á morgunn. það gekk brösulega að ganga í vinnuna í morgunn þar sem ekki var búið að ryðja af gangstéttum heldur bara á þær.
ég fór í minn fyrsta yoga tíma í gær í bylnum. geggjað...er ekki frá því að þetta henti mér mjög vel. ég bíð alla vega spennt eftir framhaldinu. namaste.
núna hef ég smá tíma til að sakna gunna og bíða eftir því að hann hringi. ég ætla mér að nýta mér þessar mínútur. ble....

2008-01-10T17:44:00.000Z

jæja þá er maður byrjaður að vinna og það af krafti! jedúddamía hvað það er mikið að gera hjá mér...shift.
annarskipti eru framundan, sem og foreldrafundir. það þýðir að ég er endalaust að fara yfir próf þessa dagana, meta verkefni, setja einkunnir inn í mentorkerfið auk þess að undirbúa hefðbundna kennslu og auðvitað að kenna. ég sé fram á að vera að vinna meirihluta helgarinnar. ég þreytist bara við tilhugsunina. helgarnar eiga að vera notaðar í að hlaða batteríin sem eru fljót að eyðast upp þegar aldurinn færist yfir... (ég á afmæli bráðum, sko...)

af áramótum og annarri vitleysu

2008-01-05T12:59:00.000Z

gleðilegt ár allir nær og fjær og takk fyrir það liðna.
við gunni minn áttum góð áramót. það var farið á brennu kl. 17.00 og að sjálfsögðu var þessi líka fína flugeldasýning í boði björgó. svo fórum við heim og dunduðum okkur við að gera klárt fyrir matinn. að fenginni reynslu vissum við að ekki yrði nauðsynlegt að flýta sér þannig að við undirbjuggum humarinn, sturtuðum okkur og borðuðum svo um átta. maturinn heppnaðist sérstaklega vel hjá okkur og máltíðin einstaklega rómó eins og fyrr.
svo settumst við fyrir framan sjónvarpið og biðum eftir hjalla og beggu. að venju komu þau fyrir skaupið og við vorum öll sammála um að þetta hafi verið hið fínasta skaup. ágætis tilbreyting að minna var gert grín að stjórnmálamönnum en oft áður. kannski taka menn þetta aðeins til sín og minnka þjóðrembinginn.
eftir skaupið kom snorri og fljótlega urðu þeir strákarnir alveg snar þegar líða tók að miðnætti. þá voru borin út heilu tonnin af flugeldum. sem dæmi má nefna að fjórar risakökur voru settar út á götu á bretti fyrir nú utan allt hitt sem var sprengt. ég hef heyrt að nágrannarnir séu að velta fyrir sér hvaða geðsjúklingar búi á 24. þetta var sumsé allt voða flott og í hamaganginum missti ég af því að sjá þegar gamla árið fór og nýja kom í sjónvarpinu, í fyrsta skipti að eilífu held ég. begga vill meina að það boði gott fyrir næsta ár, ég treysti því.
svo fóru menn að mæta í partý þegar leið á nóttina og hér varð heljarinnar geim. síðustu gestirnir fóru þó óvenjusnemma eða uppúr fimm, en við hjónaleysin nenntum ekki á ball.
svo hefur vikan verið róleg þar sem ég byrja ekki að vinna fyrr en á mánudag. við reyndar erum búin að taka niður skrautið, gerðum það í dag, þar sem vestmannaeyingar eru klikk og halda þrettándann í dag. jólaljósin fá þó að vera fram til 23. janúar enda komin hefð fyrir því.
afmælisbörn janúarmánaðar fá hér kveðju:
elín y, kristjana, bibbi, laila, þríburarnir, andrea, eva vals, ég sjálf, örvar, bergný rokk, gunni minn og anna stefanía og síðast en ekki síst fanney.
ég veit að ég hef verið löt við að óska fólki til hamingju með daginn undanfarna mánuði en : til hamingju!

jólin búin

2007-12-28T13:03:00.000Z

eða svo gott sem. eru þau eiginlega ekki búin þegar maður er búinn að opna pakkana og konfektið er búið? kannski ekki alveg.
mamma, lúa og pedro fóru í morgunn. það er búið að vera alveg frábært að hafa þau. aðfangadagur var hrikanæs. rólegheit hérna heima, gunni minn fór með unglingana að keyra út restina af jólakortunum, við mamma og gunni elduðum svo matinn (mamma sauð hrygginn og gerði saltfisk handa piltinum, ég sá um sósuna og gljáann á hrygginn, gunni gerði kartöflurnar...), svo var etið af hjartans lyst með messuna hljómandi í eyrunum og svo var ráðist í pakkana.
ég hef ekki ennþá reiknað út hvort við höfum komið út í plús en fullt fengum við. lúlú fékk nú samt flesta pakkana, svona er að vera yngstur....djö...
svo höfum við aðallega legið í leti og étið. við höfðum ekki orku til að fara til tengdó í kaffi á aðfangadagskvöld en fórum svo í hangiket til þeirra á jóladag. mjög gaman enda anna stefanía og pétur og hans slekkti hjá tengdó.
svo buðum við þeim í kaffi í gær svona af því að okkar gestir voru að fara í dag og þau líka. þá hélt átið áfram að sjálfsögðu og mamma linnti ekki látum fyrr en hún fékk að baka u.þ.b. hundrað vöfflur með kaffinu. þannig að ef einhverjum finnast kaldar dagsgamlar vöfflur góðar, verið velkomin!
nú fer að hefjast undirbúningur fyrir áramótin. við gunni minn eigum eftir að ákveða matseðilinn en við finnum örugglega eitthvað gott en við verðum bara tvö í mat. þetta verður eflaust mjög rómantískt hjá okkur eins og fyrir tveimur árum þegar við vorum fyrstu áramótin hér á ásaveginum. ég hlakka alla vega mikið til. svo eins og lög gera ráð fyrir verður örugglega stuð á okkur þegar líða tekur á kvöldið.
hafið það gott um áramótin og gangið fallega um gleðinnar dyr!

korter í jól

2007-12-23T23:49:00.000Z

nú eru jólin alveg að bresta á. búið að gæða sér á dýrindis vel kæstri skötu, skreyta tréð, rölta í bænum í frostinu og allt tilbúið nema bara eftir að fara í jólabaðið og elda jólasteikina.

mamma, lú og pedro eru í heimsókn þannig að nú er hamagangur á hóli. mamma hefur verið að hamast við að baka meðan lú og pilturinn hafa aðallega verið unglingaveik. það er samt ofsa gaman að hafa gesti og pakkahrúgan undir trénu er stór.

ég vil bara óska öllum gleðilegra jóla eða boas festas eins og ku vera sagt á portúgölsku.

kveðja frá stóðinu á ásaveginum!

desember...

2007-12-09T14:23:00.000Z

jæja, desember genginn í garð og jólin að bresta á. snjórinn útifyrir gerir umhverfið líka enn jólalegra og maður er farinn að hlakka mikið til. ég er búin að þruma upp seríunum og aðventuljósinu og eitt og eitt skraut er borið úr geymslunni og sett á sinn stað.
magnað hvað maður verður fljótt fastheldin á það hvar jólaskrautið á að vera og þetta eru bara þriðju jólin hér á ásaveginum.
mamma og lúa verða hjá okkur um jólin eins og í fyrra en þær ætla svo til borgar óttans fyrir áramót. það verður bara gaman. ég hef sett mömmu það fyrir að kaupa skötuna og býst þar af leiðandi við því að hún verði vel kæst og góð. annars verður þetta hefðbundið hjá okkur. hamborgarhryggur á aðfangadag og hangikjet hjá tengdó á jóladag. þau verða reyndar heima hjá sér í nýja húsinu á aðfangadag en ekki hjá okkur eins og tvö síðustu ár. það verður líka fullt hús hjá þeim, anna stefanía kemur frá sverige og pétur og fjölskylda kemur úr firði sem kenndur eru við höfn.
nú þarf maður bara að fara að versla jólapappír og kort, malt og appelsín, jólatré og kerti, makkintoss og mandarínur og þá er maður klár fyrir hátíðarnar.

vont veður

2007-11-29T19:09:00.001Z

það er hvorki hundi eða ketti út sigandi núna. sjift! það er alveg rosalega hvasst og herjólfur sjálfur fór ekki seinni ferðina í dag. fullt af fólki komst ekki leiðar sinnar og gámar komust ekki á áfangastað. svona er nú stundum að búa á eyju krakkar mínir.
gunni minn er einmitt í vari hér rétt vestan við eyjar og er á leið í land á morgunn með aflann til löndunar. hlakka ýkt til að sjá kauða. kannski hann taki til við að baka jólasmákökurnar...

2007-11-28T18:51:00.000Z

það er bara seim óld, seim óld hér á bæ. er grasekkja ennþá og lífið gengur út á að vinna, borða og sofa. gunni minn kemur samt fljótlega heim til að landa og hver veit nema hann skelli sér snemma í jólafrí.
annars er maður farinn að huga að því að klára jólagjafakaup, en ég er að verða búin með það allt saman. þá er bara eftir að skella sér í stórhreingerningar, jólaskreytingar og matarinnkaup, veit ekki hvort ég nenni að baka núna. það eru nefnilega svo helvíti fínar kökurnar úr bakaríinu...

2007-11-19T18:27:00.000Z

...þegar ég var búin að fá gunna minn aðeins til mín þá kom pabbi minn í heimsókn. ég hafði fengið hann til að koma og vera með fyrirlestur fyrir 5. bekk um Rauða krossinn og fataflokkunarverkefnið. við erum nefnilega að kenna námsefni frá Rauða krossinum sem heitir Hjálpfús. þetta heppnaðist mjög vel, krakkarnir áhugasamir og mér skilst að á öðru hverju heimili hér í bæ sé hafin fatasöfnun. pabbi var svo hjá mér alla helgina í góðu yfirlæti og við gerðumst meira að segja svo menningarleg að við fórum á lúðrasveitatónleika. þetta var ánægjuleg helgi fyrir mig a.m.k. og ég er ekki frá því að pabbi hafi bara haft nokkuð gaman af því að heimsækja mig.
svo leið vikan í vinnu eins og gengur og gunni kom í land á föstudag. vei! hann stoppaði samt ekki lengi, bara fram á laugardagskvöld, en það var gaman að fá gunna sinn heim.
þegar ég var svo búin að skutla gunna mínum niður á bryggju hófst undirbúningur fyrir ammæli hjá erlu perlu. ýkt gaman og skemmtilegt!
meira merkilegt hefur ekki gerst hjá mér undanfarið...vonandi fer að verða meira stuð svo ég geti bloggað af einhverju viti...heils...

2007-11-11T16:11:00.000Z

hef ætlað mér að blogga alla vikuna en hef ekki haft eirð í mér til þess. hef verið að hugsa of mikið um james vin minn (þessi á myndinni). fyrir ykkur sem komið af fjöllum þá hittum við kvennó-gellurnar hann á selfossi um síðustu helgi. við vorum í bústað í ölfusborgum og áttum erindi í apótek og þar skammt frá hittum við þennan fallega unga mann. læt það samt fylgja með að gunni minn er miklu sætari...

ég fór sem sagt í bústað með stelpunum um síðustu helgi. þetta var ógó gaman, félagsskapurinn frábær, maturinn góður, bjórinn kaldur og kanínurnar sem skoppuðu fyrir utan bústaðinn sætar. laugardagurinn var menningarlegur. við fórum á listasýningu í hveragerði, á veiðisafnið á stokkseyri og borðuðum humarsúpu á veitingastaðnum við fjöruborðið. skemmtiatriðin klikkuðu ekki og laila er núna stoltur handhafi bikars og nafnbótarinnar: besta vinkonan. verð samt að segja að stofuhillan er hálftómleg núna þar sem farandbikarinn stóð áður, hef verið að velta fyrir mér að kaupa einn. bara svona til að eiga...

meðan ég skemmti mér í bústað með stelpunum notaði gunni tækifærið og fór á sjó á sunnudagsmorgninum. það var því einmana kisi sem tók á móti mér á sunnudagskvöld.

gunni og félagar á huginn ætluðu sér að veiða makríl á kantinum en makríllinn fannst ekki og svo var skítabræla þannig að þeir komu í land í sólarhring á aðfaranótt miðvikudags. ég var voða glöð að fá að knúsa gunna minn smá áður en hann þurfti að fara og afla þjóðinni (og okkur) tekna.

fleiri spennandi sögur koma seinna. ég verð að hafa eitthvað til að skrifa um í næstu færslum svo að ég ætla að búta þessa langloku niður.....heils....

síðan síðast

2007-10-29T18:28:00.000Z

það hefur verið frekar rólegt hjá okkur hjónaleysunum undanfarið. helgin var þó viðburðarrík. við fórum í partý með áhöfninni á huginn ve á föstudagskvöld. það var rosagaman, góður matur og góður félagsskapur. ég var líka að hitta margt af þessu fólki í fyrsta sinn, það verður örugglega ennþá skemmtilegra að hitta þetta fólk og eyða tíma með því á sjómannadaginn!
ég fór þó tiltölulega snemma heim þar sem ég var að leggjast í langferð daginn eftir. jú, það var komið að bogguhittingnum.
ég flaug á bakka og tók bílaleigubíl, þennan líka fína yaris á sumardekkjum (svitn...). svo lá leiðin á hljómsveitaræfingu á flúðum. elín og guðrún tóku vel á móti mér ásamt ronju og bergnýju. svo eyddum við deginum í spjall og undirbúning fyrir matinn. þegar leið að kvöldmat komu fanney og árni með krakkana sína tvo (sem ég var að sjá í fyrsta skipti...(roðn)) og svo komu sigga og svenni með þríburana. það var því í nógu að snúast fyrir alla fullorðna þarna inni! þetta var ósköp notaleg kvöldstund og gaman að hitta þessar kjarnakonur. það eru liðin ansi mörg ár síðan við vorum allar undir sama þaki svo að það þurfti mikið að spjalla. þegar leið fram á kvöld fór barnafólkið aftur til síns heima en við hinar sátum áfram að kjafta, fórum í pottinn, kjöftuðum meira og elín sýndi snilldartakta sem skífuþeytari. takk stelpur (jú og strákar) fyrir frábært kvöld.
svo keyrði ég sem leið lá aftur á bakka daginn eftir í frekar mikilli hálku og snjó fyrir þennan eðalkagga. en þó að það sé gaman að fara í svona ferð þá er alltaf gott að komast heim á eyjuna fögru í faðm gunna síns.
nú getur maður farið að hlakka til næstu helgar en þá ætla kvennóskutlurnar að hittast í sumarbústað. jiiiiii hvað ég er spennt!

2007-10-18T16:42:00.000Z

já ég veit...er búin að vera hauglöt að blogga. það hefur heldur svo sem ekkert merkilegt verið að gerast undanfarið. gunni minn er þó ennþá heima og gott að geta eytt tíma með honum. hann fer samt aftur út á sjó eftir u.þ.b. viku og ég mun verða grasekkja enn á ný.
en þó lítið sé að frétta af lífi okkar hjónaleysanna undanfarnar vikur þá er margt skemmtilegt framundan:

boggurnar úr kennó ætla að fara að hittast síðustu helgina í október. löngu kominn tími á hljómsveitaræfingu og ég er systrunum í sandý mjög þakklát fyrir að drífa okkur af stað.
kvennóskutlurnar eru svo að fara að hittast fyrstu helgina í nóvember í notalegum bústað. það er komin hefð fyrir þessum hittingi og spennandi verður að sjá hver vinnur spurningakeppnina: besta vinkonan þetta árið. vek athygli á því að ég vann í fyrra!
jólahlaðborð á hótel geysi um miðjan desember. erum búin að panta fyrir allan hópinn og þetta verður eflaust gargandi snilld eins og undanfarin ár.
pabbi og gulla koma í heimsókn einhvern tímann bráðum. þá ætla ég að nýta sambönd mín og láta kallinn halda fyrirlestur fyrir 5. bekk um fatasöfnunarverkefnið. hlakka mikið til að fá þau!

man ekki eftir meiru í bili sem stefnt er að að gera, það verður örugglega meira ef ég þekki mig/okkur rétt.

afmælisbörn október til hamingju með enn eitt árið: pétur mágur, harpa mágkona, harpa vinkona, sara sæfinnudóttir, agnes lilja, birgitta ósk og allir aðrir sem eiga ammæli í október.

undanfarið...

2007-09-28T15:56:00.000Z

gunni minn komst heilu og höldnu heim í heiðardalinn. tók þrjár flugvélar, rútu og bát til að komast til sinnar heittelskuðu (sko mín...). hann kom hlaðinn sælgæti úr tollinum sem við og gestirnir okkar, laila og lúlli, gátum gætt okkur á. það var rosagaman hjá okkur um síðustu helgi enda ekki um hverja helgi sem maður fær svona skemmtilega gesti. við borðuðum mikið af góðum mat, hlógum mikið, spiluðum, teiknuðum og ég veit ekki hvað og hvað. ýkt gaman! takk fyrir komuna elsku edlin mín tvö.
annars hefur verið rólegt í kotinu síðan gunni minn kom heim. skítaveður þannig að við höfum að mestu hangið inni. gunni minn er reyndar as ví spík að hjálpa mömmu hans ella að standsetja íbúðina sem hún var að kaupa sér, honum leiðist sko ekki í landlegunni.
á morgunn er svo lundaballið. mikið gaman og mikið grín! árshátíð bjargveiðimanna, eins og þetta er kallað, klikkar sko ekki. þetta verður nottlega ekki eins flott og hjá bröndurunum í fyrra, þrátt fyrir stór orð þeirra elliðaeyjinga, en gaman samt.
sí jú...

2007-09-20T23:14:00.001Z

sjáið bara hvað gunni minn er duglegur!!! fékk þessa mynd af bloggsíðu hugins.

núna er hann samt örugglega bara að slappa af á leið í land í heja norge og hugsar hlýtt til mín....

á leið í land

2007-09-19T17:07:00.000Z

jahá! gunni minn er á leið í land. þeir eru komnir með nóg til að landa og stefna nú hraðbyri á noreg eftir að hafa verið að mokfiska í norskri landhelgi. gunni minn, ásamt fleirum, er á leið í frí og þeir sem verða eftir á norskri grundu munu fljúga heim á föstudag. jibbí! hann nær væntanlega seinni herjólfi og getur því verið gestgjafi með mér þegar laila og lúlli láta sjá sig um helgina. það verður sko gaman! jiiiiiiii....hvað ég hlakka til!

róleg helgi

2007-09-16T12:16:00.000Z

ótrúlegt en satt þá var þessi texti sem ég setti inn síðast helber lygi, lífið er ekki alveg svona fjörugt þegar gunni minn er á sjó.
á föstudag kíkti ég reyndar, ásamt fleirum, til snorra, sötraði smá, endaði með liðinu á lundanum en fannst ekkert gaman og fór heim.
laugardagurinn var bara rólegur. fór samt með ástu steinunni og gauja að skoða hvalina sem villtust inn í höfnina. það var gaman en ég sárvorkenndi kvikindunum að svamla í olíubrákinni og ruslinu sem safnast oft saman inn í friðarhöfn. gaui og ásta steinunn fóru svo upp á land þar sem ferð þeirra er heitið til danaveldis að heimsækja fátæka námsmenn, held þau hafi tekið með sér 30 kíló af fiski til að gefa. svo fór ég í mat til tengdó og kíkti svo í kaffi til ölmu og frigga.
það sem af er sunnudeginum þá hef ég rolast á náttfötunum, horft á video og beðið eftir því að gunni minn hringi. eftir það ætla ég út í góða veðrið í göngu. svo er ég boðin í mat til tengdó í kvöld. helv.... fínt því þá þarf ég ekki að elda. finnst það aldrei mjög gaman, hvað þá þegar ég er ein í kotinu.
ég er búin að gleyma afmælisbörnum september mánaðar (og ágústmánaðar líka ef út í það er farið) en til hamingju sunna, lúlli, thelma rut (sem fæddist á mjög eftirminnilegu kvöldi fyrir 15 árum, fékk fréttirnar í gegnum almenningssíma í miðbæ rvk), sæfinna, katla og allir hinir.
jæja, ég ætla að fara og bíða við símann...

titillag plötunnar komið...

2007-09-13T17:21:00.000Z

eða sko textinn. ég á eftir að ræða við tónskáld um framhaldið. en hvað finnst ykkur annars? er þetta að gera sig?

Þegar hann er á sjó...

Hann er farinn á sjó
og ekkert nú mig tefur.
Ég stefni að því að verða mjó
Áður en hann næst um mig örmum vefur.

Ekkert mig nú stoppar
ég sjoppa eins og svín.
Vísakortið um veskið hoppar,
að vera ein er ekkert grín
Viðlag:
Þegar hann er á sjó, la la la
Hitti ég stelpurnar og djamma, la la la
Blikka gæjana, jó!
En alein heim alltaf þramma

Djammið fer í forgang
aftur og aftur á pöbbann fer.
Ég borga annan umgang
viltu ekki djamma með mér?
Viðlag

Þegar hann er á leið í land
verð ég að skríða saman.
Setja allt húsið í stand
og flikka mig upp í framan.
Viðlag

Ég bíð á bryggjunni og hann kyssi
þegar báturinn er bundinn við land.
Ef hann nú bara vissi
að djammskútunni sigldi í strand
Einu sinni enn......

sjómannskonulíf...

2007-09-11T17:03:00.000Z

þrátt fyrir miklar væntingar um pysjubjarganir í síðustu færslu hafa ekki fleiri pysjur ratað mína leið. ég hef nú heldur ekkert verið út um allan bæ allar nætur til að hafa upp á þessum greyjum, mér finnst alltof gott að kúra mig inni þegar það er þoka, rigning og rok. ég er einmitt farin að hafa áhyggjur af því að ég sé að verða mosavaxin ef veðrið heldur svona áfram, þ.e. rigning og aftur rigning. hélt að gróðurinn væri að fara að leggjast í dvala og þyrfti því ekki á allri þessari vætu að halda, svei!
annars er gunni minn farinn á sjó aftur. hann er þó kominn í aðra áhöfn, á huginn ve. þeir fóru á aðfararnótt mánudags frá eskifirði og verða komnir á miðin eftir u.þ.b. 8 klst. þeir eru að fara norður í rassgat eins og það kallast eða smuguna. þetta er svo norðarlega að það verður mun styttra fyrir þá að landa í tromsö í norge heldur en að sigla alla leið til íslands. veiði hefur ekki verið mikil undanfarið hjá hinum sem hafa verið við veiðar en það var að fréttast af einhverri síld þarna norðurfrá þannig að nú er bara að krossleggja putta svo að gunni minn þurfi nú ekki að láta sér leiðast þarna um borð. hann kemur vonandi heim næst um mánaðarmótin, ekki nema rúmar tvær vikur í það. það er samt erfitt að vera heima og sakna hans alla daga, svona er sjómannskonulífið...
já sjómannskonulífið. af hverju hafa ekki verið samin lög um það??? ég skora nú á tónelska að setja saman góðan slagara um það hversu mikið stuð það er að vera heima meðan kallinn er á sjó, það væri örugglega hægt að semja nokkur og setja á disk. titlar eins og: ég hengi út þvottinn eða hvar landar hann næst? eða saumaklúbbur í kvöld gætu orðið ódauðlegir. við ásta steinunn gætum jafnvel samið texta ef einhver kemur með grípandi laglínu. áhugasamir látið vita!

pysja!

2007-09-01T02:11:00.000Z

það var að gerast soltið merkilegt! ég var að ná minni fyrstu lundapysju!

ég er búin að búa í eyjum í 8 ár, oft farið á pysjuveiðar en aldrei náð neinni sjálf enda algjör klaufi og hálfhrædd um að þessi grey geti meitt mig, það er samt eiginlega ekki hægt. elín sá um þetta fyrstu tvö árin (var samt alltaf með vettlinga við að grípa þær) og svo hefur gunni minn náð þeim fyrir mig. en svo fæ ég að frelsa þær...

núna áðan var ég hjá ástu steinunni og ætlaði mér að labba heim í rólegheitunum og sá pysju við útihurðina hennar. hún bað mig að taka hana og svei mér þá, þá náði ég henni! þrammaði með hana í lúkunum heim og kom henni kyrfilega fyrir í gamalli þvottakörfu úti í bílskúr. hún mun fá frelsið á morgunn.

þetta er fyrsta pysjan sem ég sé í ár og ekki dregur það úr gleðinni að hafa náð henni. hún er líka alveg tilbúin, ekki eins og pysjurnar sem ég hef séð undanfarin ár sem hafa verið mikið dúnaðar og hálf aumingjalegar.

menn hafa haft áhyggjur af lundastofninum og þá sérstaklega afkomu pysjanna, ég held að þeir geti hætt að hafa áhyggjur fyrst ég er byrjuð í björgunarstörfunum!

myndin sem fylgir með er ekki af pysjunni minni heldur af einni vel dúnaðri sem ég fann á vefnum. ég varð bara að deila þessu með ykkur!

hinsta tuðruferðin

2007-08-25T11:25:00.000Z

við gunni minn eigum ekki tuðru lengur...(snökt) en það þarf ekki að skæla yfir því lengi af því að stefnt er að því að kaupa nýja, stærri og kraftmeiri fyrir næsta sumar. og þá verður sko gaman!

síðasta tuðruferðin okkar, áður en kaupin gerðust á eyrinni, var til dyrhólaeyjar. glöggskyggnir vita að dyrhólaey er við vík í mýrdal og því töluverður spotti frá eyjum og þangað.

það tók u.þ.b. tvo tíma að sigla hvora leið, um hálftíma lengur á bakaleiðinni. það var gaman að sjá suðurlandið frá sjó og afar tignarlegt að sigla gegnum gatið á dyrhólaey og sigla kringum skerin (gætu kannski kallast eyjar, þetta var svo stórt). við fylgdumst líka með bílabátnum sigla út í sjó og þarna allt um kring og keyra aftur á land.

heimferðin var ekki eins skemmtileg þar sem sjólag var orðið frekar slæmt. það er erfitt að ríghalda sér í rúmlega tvo tíma auk þess sem hver vöðvi var spenntur í stærstu stökkunum milli öldudalanna. ég hafði heiftarlegar harðsperrur í baki, höndum og handleggjum, rassi, lærum, kálfum og örugglega fleiri vöðvum marga daga á eftir. þar að auki er litli puttinn minn krambúleraður ennþá eftir að hafa slegist æ ofan í æ í kósana þar sem reipin eru bundin.

þetta var algjörlega ógleymanlegt og ég bíð spennt eftir nýjum ævintýrum á nýrri tuðru!

í skólanum í skólanum...

2007-08-24T15:46:00.000Z

fyrsta skóladeginum lokið. er hálffegin því að þetta sé svona stutt vika...maður þarf nú að gíra sig upp fyrir átökin!
annars líst mér vel á "nýja" bekkinn minn. fjörmiklir og skemmtilegir krakkar sem munu dreypa á viskubrunninum sem ég mun vísa þeim veginn að! það verður spennandi að takast á við ný verkefni en ég hef aldrei kennt 5. bekk áður. auk þess mun ég kenna bekknum ensku en það hef ég heldur aldrei gert áður, örugglega mjög gaman. það eina sem ég hef útá töfluna mína að setja er að ég kenni matreiðslu 2 sinnum í viku (hálfum bekk (5.DÞA) í hvort sinn). þeir sem hafa heyrt mig ræða matreiðslukennslu vita að hún er engan veginn í uppáhaldi hjá mér, en hver veit, kannski frelsast ég í vetur og kenni eingöngu matreiðslu næsta vetur???

um helgina er okkur hjónaleysunum boðið í 50 ára afmæli hjá ástþóri krónustjóra, pabba hennar ástu steinunnar. það verður örugglega gaman því engir kunna að skemmta sér og öðrum betur en vestmannaeyingar!
góða helgi öll!

sumarfríið búið...

2007-08-20T18:39:00.000Z

jæja sumarfríinu lokið. er byrjuð að vinna. örlítið breytt umhverfi þó skólahúsnæðið sé það sama. spennandi vetur framundan, mun kenna 5. bekk í fyrsta sinn og þar að auki bætist enska við stundaskrána. unglingarnir munu missa af hæfileikum mínum í vetur en það gerir vinnuna ekkert minna spennandi.

eftir 3 fyrstu vinnudagana var okkur hjónaleysunum boðið í bústað í skorradal. gestgjafarnir voru öddi bró og harpa en þau eru orðin svo fínt fólk að þau eiga hlut í slíkum híbýlum. ásamt okkur voru pabbi og gulla, maggi, helga lind og sigríður birta.
þetta var einstaklega ljúft. slakað á í pottinum, borðað endalaust af góðum mat, mikið spjallað, djöflast á jetski á vatninu, spilað, farið í jarðarberjamó (lýg því ekki!), leikið í sandkassa og hoppað á trampólíni. bara gaman enda hittumst við öll alltof sjaldan. mér fannst vanta þær systur telmu og heklu en kannski mæta þær næst.
svo þegar líða tók að heimferð þá tókum við gunni minn rúntinn í stíflisdal að heimsækja ransý systur ella pé og hennar ektamann, en þar eiga þau sumarbústað. alltaf gaman að koma þangað enda ransý sífellt með nýbakað á borðum. gunni slasaði sig í fótbolta þar í keppni við töluvert yngri drengi. ekki alvarlega samt en er nú með slæmsku í hné. eftir notalega stund hjá ransý og eiríki þá brunuðum við í þorlákshöfn og sváfum værum blundi alla leiðina heim.

í dag hófst svo ný vinnuvika og það verður sko nóg að gera áður en að kennsla hefst á föstudag (svitn) en allt kemur þetta með kalda vatninu!

að þjóðhátíð lokinni

2007-08-10T23:49:00.001Z

jæja, þjóðhátíð liðin og sumarið þar með búið.

þetta var ein besta þjóðhátíð í heimi og seimi. tjaldið var ekki fokið á föstudeginum þrátt fyrir hvell um nóttina, nýja kommóðan og dúkurinn og myndirnar og blómin sómuðu sér vel í tjaldinu, veitingarnar voru dýrindis og ég þarf að baka fleiri en 120 skinkuhorn fyrir næstu þjóðhátíð það er nokkuð ljóst. veðrið var alveg geggjað gott, allir í góðu skapi og um 11 þúsund manns í dalnum þegar mest var.

hér voru ekki nema 14 gestir og allt kvenkyns, gunna og nágranna okkar til mikillar gleði. (lesið betur um það á síðunni hans gunna) reyndar 9 fótboltastelpur í garðinum en restin gisti inni. aldrei verið svona margir en það gekk ótrúlega vel að hleypa öllu þessu kvenfólki á klósett og í sturtu. gunni minn er geðveikt þolinmóður!

hefðirnar dásamlegu voru að sjálfsögðu á sínum stað.

föstudagur: setningin, kökuveisla í tjaldinu eftir það, grænmetissúpa heima, kvöldvaka, brennan, fara á tjaldarölt, dansa eins og vindurinn, taka bekkjarbíl heim.

laugardagur: vakna og chilla heima framan af degi (hef ekki enn lært að fara inn í dal að deginum nema til að vesenast fyrir helv..... leikfélagið en það er önnur saga), borða afganginn af súpunni, kvöldvaka, flugeldasýning, tjaldpartý, tjaldarölt, dansa eins og vindurinn, taka bekkjarbíl heim.

sunnudagur: vakna og chilla heima, fara til ástu steinunnar og undirbúa mat með henni (læri, brúnaðar og tilheyrandi) enda veitir ekki af hjálpinni þar sem 23 voru í mat núna, skyrta og þjóðhátíðarbindi, farið í dalinn, kvöldvaka, brekkusöngur, týna röddinni, flugeldasýning, tjaldpartý, tjaldarölt, dansað eins og vindurinn, tjaldarölt, dansa meira, gunni farinn heim, tjaldpartý, fara á litla pallinn á síðustu metrunum, leita að tjaldapartýi, (hvar eru allir???), finna tjaldpartý, sætta sig við að þjóðhátíð sé búin, taka bekkjarbíl heim.

mánudagur: vakna seint og síðar meir, liggja í leti og nenna ekki að byrja að þrífa eftir gestina.

næstu dagar: safna röddinni saman, þvo endalaust af þvotti, þrífa, jafna sig eftir svefnlitla helgi, átta sig á hvað langt er í næstu þjóðhátíð, átta sig á að sumarfríið er að verða búið, o.fl. o.fl.

lesendur mega gjarnan giska á hvað er á myndinni sem hér fylgir en hún var tekin á föstudagskvöldinu af aðalfyndinu.

Þjóðhátíð!

2007-08-03T14:43:00.000Z

jæja nú er þetta allt að bresta á. komnir tveir gestir í hús og von á fleirum þegar líður á helgina. setningin Ingunn og Skarphéðinn gengu inn með firðinum í sólskinsskapi, verður á eftir kl. 16.00 og eftir það liggur leiðin upp á við í djamminu.
tjaldið orðið klárt (ýkt fullorðins með blómum og allt í vasa), lundinn soðinn, skinkuhornin tilbúin og svo smurt á eftir. JIBBÍ!
gleðilega Þjóðhátíð öllsömul!

komin heim og vel það

2007-07-31T21:22:00.000Z

jæja, ég er sumsé komin heim eftir rosalega vel heppnaða ferð til færeyjanna kæru. þó að grindhvalaketið hafi verið ómæld vonbrigði er ekki annað en hægt að segja að í heild heppnaðist ferðin skrugguvel. þeir sem eiga þess kost að fara til færeyja: farið og njótið! ég mæli með að vera á hóteli í miðbæ þórshafnar (sem sagt ekki á hótel færeyjum eins og við), fara til saksun og gásadals og tjörnuvík (ótrúlega fallegir staðir og gjörsamlega vonlaust að reyna að setja í orð upplifunina...), kaupa sér færeyska lopapeysu, smakka föroya bjór og njóta rólegheitanna og andrúmsloftsins sem svífur yfir vötnum.

eftir heimkomuna var þrusast heim og stoppað í nokkra daga. svo fór gunni minn útí eyju til að veiða nokkra lunda en ég fór á ættarmót hjá föðurfjölskyldunni minni. rosa skemmtileg helgi og gaman að hitta ættingjana við skemmtilegri tilefni en jarðarfarir.
ég gisti í fellihýsi í fyrsta sinn og verð að segja að það var bara nokkuð fínt. ætla samt ekki að versla mér svoleiðis í ellingsen heldur halda mig við kúlutjaldið ef ske kynni að ég þyrfti í útilegu aftur.
fólkið mitt er fyndið og skemmtilegt, skrýtið, ófeimið við að fá sér í glas og syngja og tralla og tromma eins og það eigi lífið að leysa. hlakka til næsta ættarmóts sem verður víst eftir fjögur ár, en hugmyndin er sótt til ólympíuleika og heimsmeistaramóta sem eru á fjögurra ára fresti.

svo styttist í þjóðhátíð, vei! við verðum með þrjá gesti innanhúss og þrjá í tjaldi í garðinum. ég býst samt við að þurfa að bjóða stúlkukindunum úti í tjaldi gistingu innanhúss miðað við hvernig veðurspáin er. en það er líka í góðu lagi þar sem nóg er plássið til að setja tjalddýnur og vindsængur um allt hús.

fram að þjóðhátíð verður síðan verslað í matinn (alveg gommu), farið í mjólkurbúðina (og keypt smá), bakað í tjaldið, klára að græja dótið í tjaldið, hlakka til, kanna pollagallabirgðirnar, rifja upp þjóðhátíðarlögin, læra nýja þjóðhátíðarlagið, velja hárkollur og hatta o.s.frv. bara gaman!
mig dreymir um þig þjóðhátíð.....

gledi og gaman i føroyum

2007-07-16T19:28:00.000Z

dagur thrju er ad kvøldi kominn og lifid er bara ædislegt!
forum a djamm a laugardag, tokum thvi rolega i gær en fengum bilaleigubilinn i dag og erum buin ad vera ad runta um streymoy. forum til vestmanna og runtudum thar, forum i batsferd med ofurturistum fra tekklandi, svo forum vid til kvivik, saksun og tjørnuvik. brjalad ad gera! utsynid gedveikt hvert sem madur fer og solin meira ad segja brosti vid okkur odru hvoru. thetta var frabær dagur en honum lauk med mjøg vondum mat a marco polo. (andvarp!) vid ætludum aldeilis ad splæsa a okkur og fengum okkur grindhvalakjøt. thetta var ekki odyrt og nanast oætt! brimsalt og svo herfilega mikid steikt ad vid thøkkudum sæla okkar fyrir ad vera med almennilegar tennur!
a morgunn er svo stefnan tekin a eysturoy. bid ad heilsa i bili!

2007-07-14T14:13:00.000Z

færeyjar eru ædi!!! dagur eitt rett halfnadur en eg brosi hringinn!
æ lov itt!

færeyjar, hír ví komm!

2007-07-12T13:02:00.001Z

gunni minn náði því að koma heim af sjónum fyrir færeyjaferðina, vúhú! og ég hef mikið þurft að kyssa hann og knúsa til að vinna upp þann tíma sem hann var á sjónum.

en nú fer að styttast í brottför okkar hjónaleysanna til færeyja. fyrsti hluti ferðar er að fara með dallinum upp á land í dag og svo með stálfugli til vágar annað kvöld og þaðan með bussi til tórshavnar, líka annað kvöld.

við hlökkum bæði mjög mikið til enda urðum við ástfangin af landi og þjóð þegar við fórum síðast til eyjanna sem kenndar eru við fær (eins og gunni myndi orða það).

ég lofa engu hvað varðar blog meðan á reisunni stendur en það er aldrei að vita nema að maður geti komist í tölvu einhversstaðar og gefið öppdeit á ferðalaginu.

ég skal skála í föroyabjór fyrir ykkur!

bið að heilsa í bili!

2007-07-09T17:49:00.000Z

jæja. það var að sjálfsögðu mikið stuð á goslokum. (myndin var tekin í skvísusundinu og er á vefnum sudurland.is, undir ljósmyndir, vestmannaeyjar, goslok 2007)

caps lock hvað var gaman! dýrindis læri og meððí hjá ástu steinunni, garðpartý hjá arnóri bakara og helgu og svo skvísusundið! þjóðhátíðarbrandararnir frá því í fyrra og hitteðfyrra rifjaðir upp og ótrúlega mikið hlegið. við dönsuðum eins og vindurinn, aðallega í tveimur króm og svo var nottlega kjaftað við mann og annan. við stelpurnar skemmtum okkur þrusuvel langt fram undir morgun án kallanna okkar, en þeir verða kannski næst!
annars á gaui gamli ammæli í dag og ég óska honum innilega til hamingju með daginn. vonandi bakar kokkurinn handa þér köku gaui minn!
gunni minn er á leiðinni í land og það er því ekkert því til fyrirstöðu að hann komi með mér til færeyja, júhú! hann kemur heim á morgunn. vei! svo nú er það bara að fara að huga að því að pakka niður fyrir sólina í færeyjum!

goslok

2007-07-07T13:28:00.000Z

nú um helgina halda vestmannaeyingar upp á það að 34 ár eru liðin frá því að eldgosinu á heimaey lauk formlega, það var reyndar 3. júlí en maður veltir sér ekkert upp úr því.
margt er til að gera sér til dundurs um helgina og sumt af því tengist tyrkjaráninu. ég tók einmitt þátt í sýningu í gærkvöldi sem er samstarf leikfélagsins og félags áhugafólks um tyrkjaránið. þetta er kallað leiklestur og er "inni í" listaverki eftir þórð svansson. í gamla dalabúinu er nefnilega verið að setja upp tyrkjaránssetur.
þessi sýning var reyndar minningarsýning um Runa, leikfélagsmeðlim og hæfileikabombu, en hann lést á síðustu goslokahátíð. hann las einmitt hlutverk séra ólafs egilssonar í fyrri uppsetningu á þessu verki. ég var fengin til að lesa hlutverk tyrkja-guddu og kona að nafni hanna birna las sögumanninn. þetta heppnaðist mjög vel, húsfyllir og stemningin góð. fjölskylda Runa kom og ég gat ekki séð og heyrt annað en að þau hafi verið mjög ánægð með þetta framtak. tengdamóðir Runa (sem er amerísk) fékk meira að segja eiginhandaráritun frá þátttakendum sýningarinnar!
búningurinn sem ég var í var einstaklega vel heppnaður enda vorum það ég og alma sem hjálpuðumst að við að búa hann. (búningurinn úr upprunalegu sýningunni hvarf!)
svo er guðný að koma á eftir og ætlar að gista í svítunni. grill hjá ástu steinunni og svo verður kíkt í skvísusundið í kvöld. bara gaman!

kisuammæli

2007-07-03T17:45:00.000Z

kisinn minn hann marteinn gormur er 9 ára í dag. og að sjálfsögðu fékk hann rækjur í tilefni dagsins. til hamingju kisilíus!

2007-07-03T09:32:00.000Z

ég hef ákveðið að pakka sjálfsvorkuninni niður í bili. í bili segi ég vegna þess að ég þekki mig nógu vel til að vita það að ég get ekki pakkað henni niður fyrir fullt og allt. (það er ættgengt að vera dramadrottning, bræður mínir eru samt verri en ég!)

ég náði að rífa mig upp á laugardag og fór með fullt af liði út í stafsnes á tuðrum og þar var grillað, kjaftað, kveiktur varðeldur og fengið sér í aðra tána. svo þegar haldið var heim á leið var farið í partý til ölmu og frigga. ég verð að játa að þetta er eitt mesta stuðpartý sem ég hef farið í lengi. alma átti hrúgu af '90's danstónlist og við fórum að reifa. hún meira að segja dró fram svona sjálflýsandi prik sem við sveifluðum um allt eins og þetta var í denn. aðrir voru ekki alveg jafnhrifnir og fóru á pöbbann, en ég, alma, gaui og friggi fíluðum okkur í tætlur. bara gaman!

svo er búin að vera svona líka blíðan og það hefur bara kallað á að sitja í sólinni eða að vinna í garðinum. ég hef gert meira af því að sitja í sólbaði eins og fín frú. þegar sólin fór að fela sig í gær bar ég reyndar olíu á pallinn, ætlaði að halda áfram í dag en það er aðeins of blautt. svona veður þýðir það að ég hef ekki lengur afsökun til að þrífa ekki húsið mitt að innan. það verður sum sé verkefni dagsins. góð tónlist í eyrun og þá verður þetta ekki mikið mál.

svo styttist í að gunni minn komi heim (vei!) og við skellum okkur til föroyjarna (húrra!). hann nær samt ekki að koma heim fyrir gosloka-afmælið en ég ætla ekki að fara að skæla yfir því, vík frá mér sjálfsvorkunn!

heima er best

2007-06-30T11:02:00.001Z

það er æðislegt að vera komin heim. veðrið er búið að vera frábært og svei mér ef að mér hafi ekki tekist að sólbrenna aðeins.
en ég er þó búin að átta mig á því (aftur) að það er ekki nógu gaman að vera einn, sérstaklega ef maður er öðru vanur. til dæmis það að skipta með sér verkum. ég er búin að slá garðinn, þvo bílinn, skipta um batterí í músinni, þvo þvott, kaupa í matinn fyrir einn (sem er ekki auðvelt bæ ðe vei), mála grindverk hjá ástu steinunni og gauja o.s.frv. ég tel mig vera mikinn feminista og tel því ekkert eftir mér að gera þessa hluti, finnst reyndar að allar konur eigi að geta gert allt sem viðkemur viðhaldi heimilis, garðs og bíls (nema kannski alvarlegar viðgerðir sem þarfnast iðnaðarmanns). það er samt voða gott að geta samið um hver gerir hvað: ég skal slá ef þú þværð bílinn t.d.
það er heldur ekki bara það að skipta með sér verkum sem ég sakna. auðvitað er það líka bara að hafa gunna minn hjá mér. geta kjaftað við hann í staðinn fyrir köttinn (sem reyndar er ágætt), knúsað hann, borðað með honum og kúrt. ég t.d. vaknaði við það í nótt að ég ætlaði að faðma gunna minn að mér en faðmaði bara sængina hans. það fannst mér ekki gaman.
það styttist þó óðum í heimkomu gunna míns. einhvern tímann innan tveggja vikna að mér skilst. það fer að sjálfsögðu eftir veiðinni. dagleg símtöl draga aðeins úr söknuðinum en það skrítna er að stundum gera þau illt verra. það er sem ég segi nú eins og áður: ég er ekki að fíla að vera sjómannskona!

af ættmennum og útilegu

2007-06-27T16:05:00.000Z

ég er komin heim á eyjuna fögru eftir ótrúlega vel heppnað ættarmót. við keyrðum af stað tiltölulega snemma á föstudag, stoppuðum nokkrum sinnum á leiðinni og meðal annars á hofsósi og átum þar dýrindis súpu eftir að afi hafði gefið vesturfarasetrinu bréf frá bróður afa sem flutti til ameríku aðeins 12 ára. svo var haldið sem leið liggur að nesi, tjaldað í garðinum og spjallað við fólkið sem kom aðvífandi í smáum hópum.
á laugardag opnuðu systkinin (mamma og co.) málverkasýningu í vitanum. ýkt skemmtilegt og óvenjulegt enda var þetta í gamla vélasalnum og gamla draslið fékk að halda sér en málverkin voru dreifð hist og her um salinn. mjög töff! svo æddum við í fjallgöngu nokkur saman (aðallega yngra liðið) upp einhvern dal (engidal, held ég) að vatnsbólinu og ofar en það og niður aftur. þá tók við rúntur í sund á sólgörðum í fljótum. eins og við ræddum þegar ofan í var komið þá var sundlaugin stærri í minningunni, en fyrir þá sem ekki vita er hún frekar lítil. þar var farið í kafsundskeppnir, boðsund og hvað eina, enda maggi bró og jonni einstaklega miklir keppnismenn. það eru til mýmargar sögur af því en það væri alltof langt mál að telja það upp hér. svo var haldið heim og tekið til við að grilla. farið var í leiki fyrir krakkana, vilborg var með gjörning og svo var upplestur frá möggu og dætrum. jón bjarki mangason las líka upp formála að bók sem hann er að skrifa, mamma las upp sendibréf frá henni til möggu á unglingsárunum og það verður að segjast eins og er: unglingar eru og verða unglingar! shift hvað þetta var fyndið.
seinna um kvöldið var farið í fótbolta úti á túni. peysur voru mörkin og boltinn var aldrei útaf, eins og í gamla daga. svo var setið og sötrað úti í garði, kjaftað og sungið.
sunnudagurinn fór í að ganga frá, borða afmælisköku í tilefni afmælis möggu móðu og keyra heim. og það tók lengri tíma en venjulega sökum ómældrar umferðar þegar nær dró rvk.

en þetta var ótrúlega vel heppnuð helgi, góð mæting og það er sko enginn svikinn af því að heimsækja ofurhjónin jonna og herdísi. bakkelsi í kílóavís og öllum velkomið að sofa inni í húsi ef vildi. þess má geta að við vorum tæplega 50. ég ásamt fleirum lét tjaldið duga þó napurt væri. en maggi bróðir kom með hugmynd að hafa aftur svona hitting eftir tvö ár í trékyllisvík á ströndum. ég er búin að tilnefna hann í nefndina.
sauðanesættbálkur: takk fyrir frábæra skemmtun og ég vonast til að hitta ykkur fljótt aftur!

á leið á ættaróðalið

2007-06-20T14:07:00.000Z

þá fer maður að pakka niður. ég er búin að finna til tjaldið og svefnpokann en restin er eftir. það er svo langt síðan að ég fór í útilegu að ég veit varla hvað þarf að taka með, jú nema auðvitað langbrækur og ullarsokka.

það vill nú til að tjaldbúðirnar verða settar upp við húsvegg ættaróðalsins þannig að við verðum ekki úti þó svo að kólni. annars er góð spá að mér skilst.

díjjjjj, hvað ég hlakka til. hef ekki komið á nes í 6 ár og það telst mikið þar sem við komum þarna á hverju sumri á árum áður. það verður stuð að hitta ættingjana sem annars hittast ekki nema í brúðkaupum og í árlegu partýi (sumir eru duglegri en aðrir að mæta) hjá ömmu og afa fyrir árneshreppsbúaballið (við höfum verið svo heppin að það eru ekki margar jarðarfarir búnar að vera).

hér fyrir ofan sjáið þið svo áningarstaðinn sauðanes við siglufjörð. heils...

19. júní

2007-06-19T16:36:00.000Z

jæja, ég vonast til að sem flestir hafi klæðst bleiku í tilefni dagsins.

fyrir þá sem ekki vita þá er 19. júní mikill hátíðisdagur. þennan dag árið 1915 fengu íslenskar konur kosningarétt (þ.e. 40 ára og eldri og þær sem áttu eignir, svo lækkaði aldurinn á einhverju árabili þar til þær voru jafnar körlunum. á endanum var rétturinn jafn hjá konum og körlum, hvort sem fólk átti eignir eða ekki.) og nú minnumst við þess að jafnréttisbaráttunni er ekki lokið þó margt hafi áunnist. og hvaða litur er betri til að vekja athygli á þessu en bleikur, enda með eindæmum áberandi og fallegur.

ég hef lagt mitt af mörkum og borið bleika litinn í dag. ég setti á mig bleikan klút í hjólatúrnum í morgunn, var í bleiku stígvélunum mínum í garðslættinum (úffpúff...) og klæðist nú bleikum kínaskóm og er með bleik sólgleraugu. það sem skyggir á þetta er nú það að ég hef ekki verið mikið úti á meðal fólks í dag þannig að mitt framlag hefur ekki verið áberandi. kannski ég skjótist í kaupfélagið til að sýna mig...

eigið góðan bleikan dag öll sömul!

komin heim....

2007-06-18T16:54:00.000Z

...í bili alla vega. dreif mig heim í dag. kom við í hveró eins og áður var ákveðið og keypti blóm og cyprus. um leið og ég kom úr draumalandinu í herjólfi tók ég til við að setja allt stellið í potta með tilheyrandi drullumalli. ég held að þetta sé enn einn mælikvarðinn á að aldurinn færist yfir, komin með sumarblóm í potta við húsið sitt. þrátt fyrir þetta veit ég með vissu að ég er ekki með græna fingur, ástæðan: ég er með potta en ekki blómabeð. það er voða gaman að hafa fallegar jurtir í kringum sig en að þurfa að sinna því eitthvað það er ekki minn tebolli.

annars stoppa ég stutt hérna heima. fer aftur á fimmtudag því að stefnt er á sauðanes við siglufjörð á ættarmót mömmufjölskyldu. þar skal sofið í tjaldi ef veður leyfir, fara í fjallgöngur, borða góðan mat og hafa gaman með stórfjölskyldunni.

2007-06-15T14:14:00.000Z

er enn í borg óttans og er að sigrast á óttanum. vildi bara láta áhugasama vita að gunni minn sjóarinn er farinn að blogga og er kominn linkur hér með vinum og vitleysingum.
heils!

bara blóm

2007-06-13T20:05:00.000Z

er komin á fastalandið og ég var varla búin að leggja bílum heima hjá mömmu þegar við brunuðum í samfloti með vilborgu móðu og ömmu til hveragerðis.
þar var að sjálfsögðu farið í eden og étinn ís. svo var farið í sumarblómaleiðangur. amma og vilborg þurftu að versla soltið. og þvílíkt og annað eins úrval! ég er nú ekki mikil blómakona en ég þurfti að halda aftur af mér svo ég hefði ekki sjoppað þar til ég hefði droppað. en ég er svo upprifin eftir þessa reynslu að ég hef ákveðið að fara snemma af stað þegar ég fer heim og koma við í blómahafinu áður en ég fer í jólfinn. það verður því heldur en ekki blómaskrúð á ásaveginum í sumar!!!

sumarfrí

2007-06-12T10:27:00.000Z

já loksins loksins er konan komin í sumarfrí! síðasti vinnudagur í gær, var stuttur í annan endann þar sem lítið var eftir að gera. yndislegt að geta slappað af næstu tvo mánuðina.
annars verður maður á flandri meira og minna í allt sumar. upp á land og heim, upp á land aftur og heim, upp á land, til færeyja og heim, upp á land og heim og svo þjóðhátíð! (ég held alla vega að röðin sé svona)
gunni minn er farinn á sjóinn, fór í gærkvöldi. ég græddi smá meiri tíma með honum eftir sjómannadag því að það þurfti að græja síldarvélarnar fyrir vertíðina. en í gær var það búið og gunni minn sigldur norður fyrir land. að öllum líkindum sé ég hann ekkert aftur fyrr en rétt fyrir færeyjaferð þar sem þeir munu landa á þórshöfn á langanesi næstu vikurnar. jæja, þýðir ekkert að röfla yfir því, það verður þá líka bara miklu skemmtilegra að hitta hann aftur...
það er komin dagsetning á færeyjar, föstudagurinn 13. júlí (shift!) og komum heim aftur 20. júlí. við ætlum að vera grand á því og vera á hótel færeyjum allan tímann og leigja okkur bílaleigubíl 5 af þessum dögum. omg hvað það verður gaman!!! nú situr helga björk vinkona mín og öfundar mig, hehehehe....

ég vona að ég hafi ekki móðgað afmælisbörn maímánaðar þar sem ég gleymdi að telja þau upp (sorrý öddi og lú!). þess vegna ætla ég ekki að gleyma júníliðinu en afmælisbörn júnímánaðar eru mýmörg og ég ætla ekki að gleyma neinum:

eva hrönn, guðný, albert elías, pabbi, mamma, snorri stóri, ísland, árni dagur og auðvitað hún hekla mín. til hamingju öll sömul!

síðasta helgi

2007-05-30T19:09:00.000Z

ótrúlega skemmtileg helgi liðin. glæsilegt grillpartý (hrefnukjötið bragðaðist geðððeigt vel) sem síðan endaði í góðu partýi og svo farið á púbbann. tuðruferð á sunnudag og brandsferð á mánudag. þar voru grillaðar pulsur, setið og spjallað og útsýnisins notið. myndin er einmitt tekin af heimaey af toppi brandsins. ýkt gaman með góðu fólki og allir sólbrenndir!
skemmtileg helgi framundan líka. sjómannadagshelgin þar sem sjómenn halda árshátíðina sína, minnast látinna félaga, heiðra þá sem unnið hafa afrek og svo framvegis... fyrsta sinn sem ég tek þátt sem sjómannskona og tilfinningar eru blendnar. en þetta verður örugglega ýkt kúl geðveikt...
svo fer gunni minn aftur á sjó eftir helgi, ætlar að fara að moka upp síldinni sem veiðist sem aldrei fyrr að mér skilst, en ég sit ein eftir skælandi...

göngu-hrólfur

2007-05-26T13:03:00.000Z

sólin skín glatt í eyjum í dag. vildi óska að það rigndi í rvk (sorrý laila og lúlli) en þá væru þau hér um helgina. gangi ykkur annars vel að mála húsið ykkar. vonandi endar þetta í góðu nágrannapartýi!
skellti mér í göngu í morgunn kringum fellið. og fyrir þá sem ekki vita hvað ég á við þá er það helgafellið, ekki eldfell enda ansi stórgrýtt ennþá í kringum það. það er alltaf eitthvað sniðugt að sjá; ég sá hund að spóka sig án eiganda síns, mann að gefa hestunum sínum hey, slatta af lömbum og bakpokatúrista með barnakerru en það hef ég aldrei séð áður.
svo fer maður að undirbúa grillveisluna í kvöld. það stefnir nefnilega í að fleiri bætist í hópinn, vei!
við eva ætlum svo að kíkja í búðina á eftir til að kaupa meðlæti með hrefnukjötinu, nammmmmmmmm, og svo eitthvað fyrir þá kettlinga sem ekki borða þennan eðalmat.
heils!

meira af veðrinu...

2007-05-25T16:50:00.000Z

eins og sönnum íslendingi sæmir þá verður að tala oft og mikið um veðrið.
njúsflass: það er að skána, örlítið hlýrra og sólin hefur skinið í allan dag. vei! hver gleðst ekki yfir svona fréttum? vonandi er þetta það sem koma skal og síðasta snjókoma sumarsins búin! þá er líka von til að maður geti grillað með borgarbúunum þór og evu um helgina. alla vega erum við að fara að taka hrefnukjöt og svartfugl úr kistunni til að kryddleggja.....mmmmmmm...

af veðurskilyrðum á eyju dauðans

2007-05-21T18:38:00.000Z

hver bar ekki þá ósk í brjósti að sumarið væri komið við fyrsta sólbruna vorsins? hér í eyjum var það í síðustu viku. bros færðist yfir alla, börn hoppuðu á trampólínum eins og þau fengju borgað fyrir það og fólk með græna fingur (þ.á.m. við gunni minn) tók til við að sinna garðinum.
hvað gerist svo?
haglél, rigning, haglél, rigning og rok með báðu! hvaða rugl er þetta? maður bara spyr. svona á ekki að gerast á suðurhafsparadís eins og vestmannaeyjum!
af þessum sökum erum við gunni minn farin að róa að því öllum árum að klára ferðatilhögun sumarsins; panta flug, gistingu og annað tilheyrandi. og nú getum við ekki beðið eftir því að komast á suðrænni slóðir!
færeyjar, við komum brátt!!!

uppstigningardagur

2007-05-17T20:49:00.000Z

dagurinn í dag var góður dagur þrátt fyrir skítaveður. ég vaknaði um 9.30 og planið var að fara í ræktina en sökum veðurs nennti ég því ómögulega, lá frekar áfram upp í rúmi og las í bók.
borðaði morgunmat, fór í sturtu og klæddi mig í sparigallann og setti spariandlitið upp og ók af stað í óveðrinu upp í íþróttamiðstöð.
í íþróttamiðstöðinni tók á móti mér heill sveimur af krökkum, þar á meðal mín hrúga. ástæðan fyrir þessu öllu er að þarna var að hefjast skóladagur hamarsskóla með glæsilegri danssýningu.
eins mikil vinna og þessi dagur getur orðið er hann ótrúlega skemmtilegur. ég verð að játa að í dag eins og öll hin árin síðan ég byrjaði varð ég þetta litla meyr og átti bágt með að hemja tárin. bæði var það útaf stolti yfir gríslingunum mínum og pínu sorg yfir því að bekkurinn minn skuli ekki verða eins næsta vetur. en það er önnur saga... krakkarnir mínir voru svo fínir og stóðu sig alveg rosalega vel, ekki við öðru að búast svo sem, en litla hjartað mitt var að springa af stolti.
af danssýningunni var svo haldið upp í skóla þar sem afrakstur vetrarins var sýndur. vel heppnað allt saman!

hér er svo mynd af mér og krakkaskaranum mínum. á myndina vantar gunnar frey og sigurbjörn.

helgin

2007-05-15T18:54:00.000Z

við gunni minn fórum upp á land á föstudag, afmælisdegi litlu systur (til hamingju lú mín!) til að gleðjast yfir 15. afmælisdegi lúar, nýrri íbúð bjarna vals og evu, nýjum tímum í íslenskri pólitík (geisp) og júróvisjón.

föstudagurinn rólegur. tapaði í trivjal en einhvern tímann verður allt fyrst!
laugardagurinn fór í afmælisveisluna hennar lucyar. gaman að hitta næstum alla móðurfjölskylduna á einu bretti en svo var brunað í innflutningspartý til bjarna vals og evu upp á hellisheiði.
nú spyrja menn sig: bíddu en hvað með júróvisjónpartýið hjá kötlu og örvari?
svarið er: ég sveik lit (roðn) og tilkynni hér með að það mun ég ekki gera aftur nema eitthvað alveg sérstakt komi til!
hvers vegna? spyrja menn og konur.
svarið: jú það skal ég segja ykkur. áhugi hellisheiðarbúa og gestum þeirra á júróvisjón var stórlega ábótavant! það heyrðist varla nokkur tónn fyrir kjaftagangi og samt stalst ég oft til að hækka eins og hægt var (ekki sérlega góðar græjur), meira að segja dirfðist fólk að biðja mig um að fara að horfa á sjónvarpið inn í svefnherbergi!!! það verður því að segjast að ég naut þess ekkert sérlega að horfa/hlusta á júró. annars fín keppni ef maður kann varalestur!
svo ekki nóg með það þá skeit páll magnússon útvarpsstjóri upp á bak þegar hann (ásamt fleirum eflaust) ákvað að kötta á úrslitin fyrir fyrstu tölur úr kosningunum! það var öll fokking nóttin eftir til að velta sér upp úr þessu kosningadóti öllu en bara 4 mínútur eftir af júróvisjón! svo var þetta kosningasýstem að breytast alla nóttina þannig að það skipti ekki máli fyrir fyrstu tölur að vera birtar 4 mínútum fyrr eða seinna.
við örvar ætlum að minnsta kosti að fara í mótmælagöngu út af þessu...

síðan síðast...

2007-05-07T19:46:00.000Z

frá því ég bloggaði síðast:

fór ég ekki í kröfugöngu á 1. maí. (held það hafi ekki verið slík hér á suðurhafseyjunni)
kom gunni heim.
hef ég verið dugleg í vinnunni eins og alltaf.
hef ég farið í tuðruferðir.
hef ég séð lunda. (sumarið er komið!!!)
hef ég stigið um borð í fyrrverandi kví keikós.
hef ég farið of sjaldan í ræktina.
hringt til frakklands til að ræða uppskrift sem mig vantaði.
komu gestir, pabbi og gulla. ferlega gaman að fá þau!
eignaðist ég tvær plöntur til að setja í garðinn. (takk pabbi!)
keypti gunni grill til að hafa á pallinum.
grilluðum við svartfugl og vígðum með honum grillið. (shift hvað það var gott!)
hef ég pælt í hvernig ég á að snúa mér í júróvisjón-málum. (árlegt partý hjá kötlu og örvari gefur manni alltaf ástæðu til að leggja hausinn í bleyti)
velt því fyrir mér hvað á að gefa lú í afmælisgjöf. (hún er að verða 15 ára, omg!)
hef ég hlakkað til að fara upp á land um helgina og horfa á júró.

svona hefur lífið verið sumsé í stórum dráttum undanfarið.

2007-04-30T14:11:00.000Z

jæja var að fá skilaboð frá gunna mínum. þeir eru á leiðinni í land. þeir voru að fylla núna í morgunn kl. 08:00 og eru lagðir af stað heim og verða heima milli 14:00 og 15:00 á morgun þriðjudag. þetta gekk allt mjög vel og þeir voru að fiska alla í kaf þarna á bleiðunni. fótreipið og höfuðlínan voru í fínu standi og rússinn og stertinn héldu í öllum köstunum, var stundum bras með smokkinn en það reddaðist alltaf, þeir eru núna að fara að slaka belgnum til að hreinsa hann, reimuðu pokann frá og settu í nótakassann. svo var ekkert bras með stikkið í þessum túr, en þeir skiptu um bakstroffu í byrjun.
frábært að heyra þessar fréttir og nú fer maður bara að hlakka til að sjá gunna sinn. kannski við förum bara í kröfugöngu þegar hann kemur heim! gleðilegan 1. maí!

2007-04-26T18:46:00.000Z

í síðustu færsu minni endaði ég á því að ræða um færeyjar. þar sem ég er ýkt skotin í færeyjum þá fór ég aðeins að pæla eftir brunann í rvk. þeir sem hafa komið til þórshafnar í færeyjum og víðar í því ágæta landi, sjá það nánast hvert sem þeir koma að færeyingar eru stoltir af sinni arfleifð. gömlu húsin þeirra fá að njóta sín og það er sko ekkert til að skammast sín fyrir!
þegar kemur að því að fara að endurbyggja eða að byggja nýtt á horni lækjargötu og austurstrætis koma að sjálfsögðu ýmsar hugmyndir. byggja eins hús, byggja stærri hús en í sama stíl og þau sem fyrir voru eða risastóran glergöndul. sitt sýnist hverjum...
stundum finnst mér að íslendingar hafi einhverja minnimáttarkennd yfir byggingasögunni. hvað með það þó að við séum ekki með risastóra skýjakljúfa í miðbænum sem skyggja á sólina þegar hún loksins glennir sig? ef ferðamenn vilja sjá skýjakljúfa mega þeir bara fara eitthvað annað (t.d. í kópavoginn....heheheh....), það er nóg af þeim annars staðar!
við eigum að vera stolt af sögunni okkar því hún er einstök, það er engin önnur þjóð sem getur státað af annarri nákvæmlega eins.

vorið góða grænt og hlýtt...

2007-04-23T18:57:00.000Z

ég ELSKA þennan árstíma þegar allt er að vakna! við fórum í tuðruferð í gær; við sáum selinn aftur á sama stað og síðast, annan sel, öllu stærri, sem dólaði sér norðan megin við heimaey, svartfugl og rita farin að koma sér fyrir á klettasyllum, pokaendur (æðarfugl) eru ótrúlega margar hér í ár en lundinn ætlar að láta bíða eftir sér. ég mun láta ykkur vita um leið og lundinn sest upp, því þá fyrst er komið sumar hér á suðurhafsparadísinni.

annars er allt fínt að frétta. kórinn söng á tónleikum um helgina með tveimur kórum, annar frá þorlákshöfn og hinn frá borgarfirði syðri. vel heppnað og gaman!
við kíktum í afmælisbjór til jórunnar (til hamingju með daginn jórunn!) og svo fór helgin bara í almennt tsjill.

gunni minn er aftur farinn á sjó. (grenj...) en hann vonar að túrinn taki viku því að það er víst þrusuveiði á kolmunna. þeir verða aðeins nær íslandi núna miðað við síðast. mér skilst að þeir verði einhversstaðar kringum færeyjar. og talandi um færeyjar....dánánáná....

...við gunni minn ætlum nefnilega að fara til færeyja í sumar og eyða u.þ.b. 10 dögum í góðu yfirlæti. við ætlum að fljúga en við erum ekki alveg búin að ákveða hvort við ætlum að vera á hóteli í þórshöfn (ótrúlega freistandi) eða leigja okkur bústað. svo ætlum við að leigja okkur fjallabíl og rúnta um allar trissur og hver veit nema maður fari í ferjur til að skoða þær eyjar sem ekki eru í vegtengingu við restina af landinu.
jeeeeeeminnnn hvað ég hlakka til! færeyjar eru ðe pleis tú bí!

blogglífið

2007-04-21T18:17:00.000Z

ég veit vel að ég er ekki duglegust í heimi við að blogga. en ég reyni að fylgjast með vinum og vitleysingum sem eru með bloggsíður og það er bara ekkert rosamikið að gerast.
þannig að nú ætla ég að fara að hvetja alla (mig líka) til að hressa sig við með hækkandi sól og blogga meira, allavega oftar...
allir saman nú!